Ndërlidhjet

Credit Suisse ngrin mbi 19 miliardë dollarë fonde të lidhura me Rusinë


Një filial i Credit Suisse në Bern. Fotografi nga arkivi.
Një filial i Credit Suisse në Bern. Fotografi nga arkivi.

Credit Suisse, një kompani e madhe e shërbimeve financiare zvicerane, ka bërë të ditur se ka ndërmarrë veprime për të ngrirë mbi 19 miliardë dollarë para ruse në përgjigje të zbatimit të sanksioneve perëndimore.

Masa është pjesë e një përpjekjeje më të gjera të vendeve perëndimore për të bërë presion ndaj Rusisë për pushtimin e saj në Ukrainë dhe për të kufizuar qasjen e saj në tregjet financiare globale.

Sipas gazetës SonntagsZeitung, disa nga fondet e ngrira i përkasin Bankës Qendrore Ruse ose shtetit rus.

Për shumë vite, Zvicra ka qenë një destinacion i famshëm për elitat ruse dhe vende tjera ish-sovjetike që kërkojnë të çojnë pasurinë e tyre në një vend me rregulla më të dobëta bankare.

Megjithatë, sanksionet e fundit e kanë bërë gjithnjë e më të vështirë që rusët të kenë qasje në sistemin financiar global, me shumë banka perëndimore që tani po mbyllin dyert e tyre për ta.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG