Shtëpia e Bardhë me masa të reja mbrojtëse
Shtëpia e Bardhë vendosi të hënën masa të reja për të mbrojtur presidentin, Donald Trump, dhe stafin e tij nga koronavirusi i ri, përfshirë matjen e temperaturës së kujtdo që hyn në kompleks, përfshirë vizitorët dhe gazetarët.
"Në mënyrë që të mbahet i sigurt dhe i shëndetshëm i gjithë kompleksi i Shtëpisë së Bardhë, duke filluar nga e hëna në mëngjes, kontrollet e temperaturës do të bëhen për të gjithë ata që hyjnë në kampus," tha zëdhënësi Judd Deere.
Temperatura mesatare e trupit është rreth 37 gradë Celsius. Qendra për Kontrollin dhe Parandalimin e Sëmundjeve në SHBA thotë se e konsideron një person të ketë ethe kur ai ose ajo ka një temperaturë prej 38 gradë Celsius ose më të lartë.
Parisi mbyll parqet
Parisi do të mbyllë parqet deri në njoftimin e mëtejshëm, në mënyrë që të zvogëlojë rrezikun e infeksioneve nga koronavirusi, tha kryetarja e bashkisë së Parisit, Anne Hidalgo.
Hidalgo tha se kishte ende shumë njerëz në parqet e qytetit, megjithë rekomandimet e qeverisë për distancimin shoqëror pasi infeksionet me koronavirus po rriten shpejt.
"Qeveria ka njoftuar masa të reja për të kufizuar infeksionet e reja duke kufizuar sa më shumë kontaktin midis njerëzve. Për të forcuar ndikimin e këtyre masave, parqet dhe kopshtet në Paris do të mbyllen në orët e ardhshme dhe nuk do të rihapen nesër", tha Hidalgo.
Portugalia ka mbyllur kufijtë e saj më Spanjën, si masë parandaluese kundër përhapjes së koronavirusit të ri. Në foto është sheshi kryesor i kryeqytetit, Lisbonë.
BE: Nuk ndalet eksporti i pajisjeve mjekësore në Ballkanin Perëndimor
Vendet anëtare të BE-së do të vendosin vetë nëse do të eksportojnë pajisje mjekësore në vendet e Ballkanit Perëndimor, thotë zëdhënësi i Komisionit Evropian, Eric Mamer.
"Eksportet mund të autorizohen dhe pajisjet mund të eksportohen në atë rajon", thotë Mamer.
Sipas tij varet nga vendet anëtare të BE-së që të vendosin për eksportet e mundshme, kështu që zyrtarët e Komisionit Evropian nuk duan ta quajnë vendimin "ndalime të eksportit".
Më gjërësisht lexoni KËTU