Një grua 97 vjeçare shërohet nga koronavirusi
Një grua 97-vjeçare është bërë personi më i vjetër në Korenë e Jugut që shërohet nga koronavirusi, sipas Yonhap News.
Ende nuk ka detaje të tjera rreth saj - por ajo nuk është e vetmja në botë që përkundër moshës e ka fituar betejën me virusin.
Më parë, media media shtetërore kineze Xinhua raportoi se një burrë 100-vjeçar në Kinë gjithashtu ishte shëruar nga virusi. Gazeta thoshte se ai është pacienti më i vjetër i shëruar deri më tani, raporton BBC.
Sipas të dhënave të Universitetit John Hopkins, në nivel global, ka pasur më shumë se 470,000 infeksione me koronavirus dhe 21 287 vdekje.
Rritje e numrit të të vdekurve nga koronavirusi në SHBA
Numri i vdekjeve të shkaktuara nga pandemia e koronavirusit ka tejkaluar 1.000 në Shtetet e Bashkuara.
Raste të konfimuara me koronavirus janë 68.572.
Universiteti Johns Hopkins, njoftoi se vdekjet totale nga virusi COVID-19 në Shtetet e Bashkuara kanë arritur në 1.031.
Numri i përgjithshëm i infeksioneve në SHBA është i treti më i lartë pas Kinës dhe Italisë.
Në nivel global, sipas këtyre të dhënava, ka pasur më shumë se 470,000 infeksione dhe 21 287 vdekje.
Ekspertët paralajmërojnë se numri aktual i të infektuarve në të gjithë botën është e pamundur të përcaktohet për shkak të mungesës së testimit dhe mendohet se është shumë më i lartë.
Gjermania njofton edhe për 50 të vdekur
Gjermania ka njoftuar se nga koronavirusi i ri, kanë vdekur edhe 50 persona. Numri i përgjithshëm i vdekjeve në këtë vend është: 198
Sipas autoriteteve, të infektuar nga virusi Sars-Cov-2 janë gjithsej 36,508.
Gjermania është vendi i pestë në botë për nga numri i të infektuarve me koronavirusin e ri.
Këshilla nga Organizata Botërore e Shëndetësisë:
Si dhe kur duhet të përdoret maska?