Mbi 30,000 të vdekur nga koronavirusi në botë
Numri i të vdekurve nga koronavirusi në botë ka tejkaluar shifrën 30,000 është thënë në të dhënat e Universitetit Johns Hopkins.
Italia ka regjistruar numrin më të madh të vdekjeve, 10,023 deri në ditën e shtunë.
Më herët gjatë ditës, Spanja ka njoftuar për 5,690 të vdekur nga sëmundja Covid-19, që shkakton koronavirusi.
Aktualisht, Shtetet e Bashkuara kanë numrin më të madh të të infektuarve,115,547.
Sëmundja që shkakton koronavirusi, tashmë është shpallur pandemi nga Organizata Botërore e Shëndetësisë.
Kryeministri francez: Lufta sapo ka filluar
Të 15 ditët e para të muajit prill do të jenë “edhe më të vështira se 15 ditët që i kemi lënë”, ka thënë kryeministri francez Edouard Philippe.
Franca deri më tani ka regjistruar 1,998 vdekje dhe është izoluar për 10 ditë, periudhë e cila tani është zgjatur deri më 15 prill.
“Dua të flas hapur me francezët”, ka thënë Philippe.
“Lufta sapo ka filluar”.
Ministri i Shëndetësisë Oliver Veran ka thënë është u shtuar numri i pajisjeve mbrojtëse, duke përfshirë porositjen e më shumë se 1 miliard maskave për punëtorët shëndetësorë.
Mbi 1,000 të vdekur nga koronavirusi në Britani
Numri i personave të vdekur nga koronavirusi në Mbretërinë e Bashkuar ka arritur në 1,019.
Të dhënat e fundit, të publikuara të shtunën, tregojnë për 260 vdekje shtesë brenda ditës.
Aktualisht në këtë vend ësthë raportuar për 17,089 persona të infektuar me sëmundjen Covid-19, që shkakton koronavirusi i ri.
Ky lajm vjen në kohën kur qeveria është duke shtuar numrin e testimeve për stafin shëndetësor, të cilët kanë simptoma apo jetojnë me njerëz që kanë simptoma të virusit.
Të premten me këtë sëmundje janë konfirmuar si të infektuar kryeministri britanik, Boris Johnson dhe Sekretari i Shëndetësisë, Matt Hancock.
