Raka: Testimi është një prej shtyllave për menaxhimin e COVID-19
Në një bisedë për Radion Evropa e Lirë, mikrobiologu Lul Raka, tha se duhet të dyfishohen kapacitetet testuese në Kosovë. Ai shtoi se duhet te testohen deri në 300 njerëz në ditë sipas rradhës së prioriteteve.
Intervista e plotë: Raka: Testimi është një prej shtyllave për menaxhimin e COVID-19
Kombeve të Bashkuara kërkojnë 1,500 miliardë dollarë për vendet në zhvillim
Ekonomistët e Kombeve të Bashkuara kanë kërkuar 1.500 miliardë dollarë për vendet në zhvillim dhe një lehtësim të borxhit prej 1.000 miliardë dollarë për këtë vit për t'i ndihmuar që të përballen me pandeminë e koronvirusit.
Në një studim të lëshuar sot, Kombet e Bashkuara theksojnë se është "gjithnjë e më e vështirë të parashikosh" efektet në ekonomi të pandemisë, por gjithashtu se "është e qartë se gjërat po keqësohen në ekonominë e vendeve në zhvillim".
Sipas këtyre ekspertëve, vendet në zhvillim, përveç Kinës Indisë, do të përballen me probleme serioze për shkak të pandemisë.
Italia njofton për 812 vdekje gjatë 24 orëve të fundit
Italia njoftoi se gjatë 24 orëve të fundit janë shënuar 812 vdekje nga koronavirusi i ri.
Numri i përgjithshëm i viktimave tash ka arritur në 11, 591. Sidoqoftë, numri i infeksioneve të reja u rrit me vetëm 4.050, shifër kjo më e ulëta që nga 17 marsi. Numri i përgjithshëm i të infektuarve është rritur në 101,739.
Autoritetet njoftuan se në mbarë vendin, 14.620 pacientë ishin shëruar plotësisht të hënën, krahasuar me 13.030 një ditë më parë. Italia ka regjistruar më shumë vdekje se kudo tjetër në botë dhe përbën më shumë se një të tretën e të gjitha vdekjeve globale nga koronavirusi i ri.
Turqia shënon edhe 37 vdekje nga koronavirusi
Në Turqi janë shënuar 37 vdekje të reja nga koronavirusi duke e ngritur numrin e përgjithshëm të viktimave në 168, njoftoi ministri i Shëndetësisë, Fahrettin Koca. Deri më tani në këtë vend janë shëruar 162 pacientë. Numri i përgjithshëm i të infektuarve ka arritur në 10,827. Ministri tha se që nga fillimi i shpërthimit të epidemisë, në këtë vend janë testuar 76.981 raste.