Gjermania raporton për 4,751 raste të reja
Gjermania ka raportuar se të hënën, numri i të infektuarve me koronavirusin e ri është shtuar për 4,751 raste. Në këtë vend, numri i përgjithshëm ka arritur në 57,000.
Autoritetet gjermane kanë raportuar 541 vdekje, një numër relativisht i ulët në krahasim me Italinë dhe Spanjën.
Sistemi shëndetësor gjerman mund të përballojë relativisht mirë me një numër të lartë të pacientëve të sëmurë.
SHBA-ja ndan 1,1 milion dollarë për të përkrahur Kosovën në luftimin e pandemisë
Qeveria e Kosovës ka pranuar 1,1 milion dollarë dollarë nga Shtetet e Bashkuara të cilat do të shërbejnë për të siguruar mbështetje operacionale dhe për të rritur aftësinë e reagimit të Kosovës ndaj përhapjes së koronavirusit dhe për të zbutur ndikimin e COVID-19.
Këtë e ka bërë të ditur ambasadori amerikan në Kosovës, Philip Kosnett përmes një video mesazhi të publikuar në rrjetin social Twitter.
Kosnett ka vlerësuar punën e institucioneve shëndetësore në trajtimin e pandemisë.
“Së bashku mund ta mundim Covid-19. Amerika qëndon përkrah Kosovës”, ka thënë Kosnett.
12 raste të reja me koronavirus në Kosovë
Instituti Kombëtar i Shëndetit Publik ka konfirmuar edhe 12 raste me koronavirus në Kosovë.
“Rastet pozitive janë raste kontakti, 5 prej të cilëve janë me vendbanim në Malishevë. 3 me vendbanim në Fushë Kosovë, 2 me vendbanim në Prishtinë, 1 me vendbanim në Mitrovicë dhe 1 në Kamenicë”, thuhet në njoftim.
Numri i përgjithshëm i të infektuarve ka arritur në 106.
Niveli i infeksioneve në Spanjë po shënon ulje
Rritja e rasteve të koronavirusit në Spanjë duket se po ngadalësohet, ka thënë për BBC ministri i jashtëm i këtij vendi, Arancha González.
Të hënën u konfirmuan 6.400 raste të tjera, rritja më e ulët në rastet e reja për një javë.
Numri i vdekjeve ka arritur në 7,340.
Zyrtarët shpresojnë se maja e shpërthimit të virusit atje po afron, pas së cilës rastet e reja dhe vdekjet pritet të ulen.
Katalonja, rajoni Bask dhe kryeqyteti Madrid mbeten disa nga zonat më të goditura.
Niveli i infeksioneve në Spanjë po shënon ulje