Presidenti Trump testohet sërish
Presidenti amerikan, Donald Tramp, tha se është testuar për herë të dytë për koronavirus, dhe ka dalë negativ.
Në këtë testim është përdorur një metodë e re diagnostifikuese, e cila e jep rezultatin në më pak se 15 minuta.
"Unë mendoj se e bëra testin nga kurioziteti për të parë se sa shpejt funksionon", tha Trump, i cili ishte gjithashtu doli negativ në testin e muajit të kaluar, pasi kishte qenë në kontakt me një zyrtar brazilian i cili ka qenë i infektuar.
Mjeku i presidentit, Trump, Sean Conley tha në një letër të lëshuar nga Shtëpia e Bardhë se Trump ishte testuar me një test të ri nga Ebot Labs dhe se rezultati ishte i njohur pas 15 minutave.
UNICEF ndihmon Kosovën me pajisje mbrojtëse
Fondi i Kombeve të Bashkuara për Fëmijët (UNICEF) e ka ndihmuar Kosovën me pajisje profesionale mbrojtëse mjekësore.
Përmes një njoftimi të organizatës, bëhet e ditur se 3.6 ton furnizime janë dërguar në Ministrinë e Shëndetësisë për të mbështetur punonjësit shëndetësor në vijën e parë të luftës kundër COVID-19 në Kosovë.
Ndihma përfshin, 36,200 dorëza, 33,600 maska kirurgjike dhe mijëra paisje tjera mbrojtëse mjekësore.
“Ne e dimë se nevojitet ndihmë e menjëhershme. Zyra e UNICEF-it në Kosovë ka qenë në gjendje të reagojë shpejt, duke dërguar furnizime me pajisje parandaluese që shpëtojnë jetë për punonjësit shëndetësorë të vijës së parë edhe në këtë kohë kur logjistika është jashtëzakonisht sfiduese”, ka thënë shefi i zyrës së UNICEF-it në Kosovë, Murat Sahin.
Zyra e UNICEF-it në Kosovë po punon me donatorë dhe partnerë për të mbështetur dhe ndihmuar fëmijët dhe familjet e prekura nga pandemia.
Organizata vlerëson se gjersa numri i rasteve po vazhdon të rritet në të gjithë botën, puna e UNICEF-it për shpëtim jetërash dhe për t'u siguruar fëmijëve shëndet, arsim, ushqyerje dhe mbrojtje kurrë nuk ka qenë më vendimtare.
Kombet e Bashkuara kërkojnë bashkëpunim ndërkombëtar
Asambleja e Përgjithshme e Kombeve të Bashkuara ka miratuar një rezolutë që kërkon "bashkëpunim ndërkombëtar" në luftën kundër pandemisë koronavirus.
Rezoluta e miratuar më 2 prill ishte dokumenti i parë i miratuar nga organizata me 193 vende anëtare për pandeminë që e ka përfshirë botën.
Rezoluta thekson rolin qendror të OKB-së në krizën globale shëndetësore dhe ekonomike dhe i bën thirrje Sekretarit të Përgjithshëm, Antonio Guterres, të udhëheqë mobilizimin dhe koordinimin e një përgjigje globale ndaj pandemisë.
Rezoluta u paraqit nga Zvicra, Indonezia, Singapori, Norvegjia, Lihtenshtajni dhe Gana dhe u miratua me shumicë dërrmuese.
Një rezolutë rivale e paraqitur nga Rusia përmbante gjithashtu bashkëpunimin dhe nevojën për solidaritet përballë sfidave të paraqitura nga koronavirusi i ri, por ajo përfshinte një kërkesë për heqjen e përgjithshme të sanksioneve ndërkombëtare dhe një fund të luftërave tregtare.
Drafti rus kishte mbështetjen e katër vendeve - Republikës Qendrore të Afrikës, Kubës, Nikaraguas dhe Venezuelës - por diplomatët e cituar nga AP thanë se Bashkimi Evropian, Britania, Shtetet e Bashkuara dhe Ukraina kundërshtuan propozimin rus.
Rezolutat e miratuara nga Asambleja e Përgjithshme nuk janë detyruese, por kanë një fuqi politike në varësi të mbështetjes së tyre.
BE-ja po shqyrton çështjen e hapjes ose jo të kufijve
Presidentja e Komisionit Evropian, Ursula von der Leyen, tha të premten, se janë duke u zhvilluar bisedime midis vendeve anëtare të Bashkimit Evropian, në lidhje me mundësinë e zgjatjes ose jo të mbylljes së kufijve, përtej festës së Pashkëve.
"Ne jemi në konsultim me vendet anëtare se si të vazhdohet përtej Pashkëve", i tha ajo radio 1 Europe, transmeton Reuters.
Von Der Leyen përsëriti gjithashtu se buxheti i ardhshëm i BE-së duhet të marrë formën e një "Plani Marshall" të ri për të nxitur rimëkëmbjen e Evropës nga shpërthimi i koronavirusit.
Dy vendet me numrin më të madh të viktimave nga koronavirusi janë Italia dhe Spanja – të dyja anëtare të BE-së.
Më 17 mars, vendet anëtare të Bashkimit Evropian kanë rënë dakord të mbyllin kufijtë e BE-së për të gjitha udhëtimet jo thelbësore për 30 ditë.