Në Maqedoninë e Veriut shënohen 5 viktima të reja nga COVID 19
Maqedonia e Veriut ka regjistruar bilancin më të rëndë që nga paraqitja e koronavirusi duke shënuar 5 viktima të reja.
Me këtë numri i vdekurve ka arritur në 17. Sipas njoftimit të Ministrisë së Shëndetësisë, 2 persona kanë ndërruar jetë në Kumanovë dhe nga 1 në Shkup, Strugë dhe Veles.
Dy prej tyre kishin vdekur para dy ditëve, por rezultatet e kryera gjatë ditës së shtunë kanë treguar se ata ishin të infektuar me COVID-19.
Nga 414 teste të kryera për koronavirus, 53 kanë rezultuar pozitiv duke e çuar numrin e të infektuarve në 483 persona. Më së shumti të infektuar janë regjistruar në Shkup 13 pastaj në Strugë 14, në Kumanovë 8 dhe të tjerët nëpër qytetet tjera. Deri më tani në nivel të shtetit janë kryer 4920 teste kurse 20 persona janë shëruar.
Koronavirusi ka të ngjarë të përfundojë në një formë të imunitetit kolektiv, ka bërë të ditur ministri i Shëndetësisë, Venko Filipçe duke paralajmëruar valë më të madhe të të infektuarve.
Një mister i mbështjellë me enigmë
Një dërgesë e ndihmave për luftimin e koronavirusit ka ngritur vetullat edhe në Shtetet e Bashkuara, edhe në Rusi.
Aeroplani i mallrave i Ministrisë ruse të Mbrojtjes, i ngarkuar me maska, ventilatorë dhe pajisje të tjera mjekësore, ka arritur në Aeroportin Ndërkombëtar të Nju Jorkut “John F. Kennedy” më 1 prill.
Artikullin e plotë mund ta lexoni këtu
Të gjithë migrantët në Serbi janë vendosur në karantinë të plotë
Komisariati për Refugjatë dhe Migrim në Serbi tha se që nga nisja e zbatimit të gjendjes së jashtëzakonshme më 15 mars, për shkak të pandemisë, të gjithë migrantët që janë gjendur në territorin e Serbisë dhe që kanë qenë jashtë qendrave të pritjes, janë vendosur në qendra dhe që prej asaj kohe sigurohen nga Forcat e Armatosura serbe.
"Për shkak të vendosjes së tyre në qendra numri është rritur dhe sot (e shtunë, 4 prill) arrin në 8.703", tha Komisariati në një deklaratë.
Serbia ka vendosur rregulla të ashpra për të parandaluar përhapjen e koronavirusit në mesin e migrantëve.
Shqipëria shënon 18 viktima dhe 333 të prekur nga COVID-19
Në Shqipëri numri i të prekurve me koronavirus ka shkuar në 333 persona dhe deri tani kanë humbur jetën 18 pacientë.
Marjeta Dervishi, specialiste në Institutin e Shëndetit Publik, Marjeta Dervishi, ka bërë të ditur se gjatë 24 orëve të fundit nga testet e kryera kanë rezultuar pozitivë me koronavirus 29 qytetarë.
Artikullin e plotë mund ta lexoni këtu