Dalin rezultatet e 95 personave të vendosur në Qendrën e Studentëve
Zëvendësministri në detyrë i Shëndetësisë, Izet Sadiku ka bërë të ditur se rezultatet për 95 personat e vendosur në karantinë në Qendrën e Studentëve, të cilët janë testuar për COVID-19, kanë dalē negative.
Sadiku ka thënë se këta persona pritet të lirohet më 5 prill nga karantina.
Numri i përgjithshëm i të infektuarve në Kosovë ka arritur në 140. Gjithashtu, më 4 prill janë shëruar edhe shtatë pacientë që kanë qenë të infektuar me koronavirusin e ri. Numri i përgjithshëm i të shëruarve ka arritur në 23.
Shkon në 23 numri i të shëruarve nga koronavirusi në Kosovë
Instituti Kombëtar i Shëndetit Publik ka njoftuar se janë konfirmuar edhe pesë raste të të infektuarve me koronavirus në Kosovë.
Gjithashtu, më 4 prill janë shëruar edhe shtatë pacientë që kanë qenë të infektuar me koronavirusin e ri.
Numri i përgjithshëm i të shëruarve ka arritur në 23.
Shënohet rënia e numrit të pacientëve me kujdes intensiv në Itali
Numri i pacientëve në kujdes intensiv në Itali ka rënë për herë të parë, thotë kreu i departamentit të mbrojtjes civile të vendit, Angelo Borrelli.
Italia konfirmoi 681 vdekje të tjera të shtunën, duke e çuar numrin e përgjithshëm të vdekjeve në 15,362.
Por, Borrelli tha se numri i pacientëve me gjendje kritike ka rënë nga 4,068 sa ishte të premten në 3,994, të shtunën.
"Kjo është një pikë shumë e rëndësishme për shkak se shifra është duke u zvogëluar për herë të parë", tha Borrelli.
"Është e rëndësishme sepse kjo lejon që spitalet tona të marrin frymë. Kjo është hera e parë që kjo shifër ka rënë që nga fillimi i menaxhimit të urgjencës", tha ai.
Numri i rasteve të regjistruara si të infektuar më 4 prill ka qenë 2,886.
Numri i përgjithshëm i të infektuarve ka arritur në 88.2274 në total. Kjo shifër nuk përfshijnë ata që kanë vdekur ose 20,996 personat për të cilët është thënë se janë shëruar nga virusi.
IKSHPK: Tre javët e ardhshme, kritike në luftën kundër pandemisë
Naser Ramadani nga Instituti Kombëtar i Shëndetit Publik, ka thënë se tri javët e ardhshme janë kritike të shpërthimit të rasteve me COVID-19.
Ai iu bëri thirrje qytetarëve të qëndrojnë në shtëpi, të mbajnë higjinenën personale dhe t’iu përmbahen rekomandimeve të institucioneve të Kosovës.
Ramadani tha se qytetarët duhet të mbajnë distancë fizike prej dy metra në mënyrë që të parandalojnë përhapjen e virusit.
“Apeloj që këto tri javë mos të tubohen, të qëndrojnë në shtëpi sepse do të kalojë sa më lehtë që është e mundur nëse i përmbahen rekomandimeve të Institutit të Shëndetësisë”, tha Ramadani.
Ai këto komente i bëri në një konferencë për media në Prishtinë.
Numri i përgjithshëm i të infektuarve në Kosovë është 135.