Vitia: Jemi në koordinim zyrtar me komunat në veri
Ministri në detyrë i Shëndetësisë së Kosovës, Arben Vitia, tha se është në koordinim zyrtar me komunat në veri dhe se vendosja në karantinë e dy komunave është bërë në kuadër të masave që parashihen nga protokollet e epidemiologëve dhe organizatave ndërkombëtare të shëndetësisë, siç është Organizata Botërore e Shëndetësisë.
“Pandemia është kërcënim për gjithë njerëzimin, përballimi saj kërkon përkushtim dhe injorim të dallimeve të mundshme. Kujdes, ju lutem kujdes nga komunikatat e pasaktësuara”, ka thënë Vitia në një konferencë për media të mbajtur të shtunën në mbrëmje.
Më shumë në këtë temë: Përplasje mes presidencës dhe qeverisë për pandeminë në veri
LDK-ja reagon për situatën e pandemisë në veri
Lidhur me këtë situatë ka reaguar edhe Lidhja Demokratike e Kosovës. Përmes një komunikate për media, LDK-ja thotë se “situate në veriun e vendit, përveç problemeve me pandeminë po përkeqësohet edhe me ndërhyrjet e vazhdueshme të Beogradit”.
“Lidhja Demokratike e Kosovës (LDK) shpreh shqetësimin e saj se si vendimet e autoriteteve të Serbisë po zbatohen për vendosjen në karantinë të komunave në veri. Edhe më shqetësuese është fakti i heshtjes së Qeverisë së Kosovës përballë këtij ataku të drejtpërdrejt të sovranitetit të shtetit”, thuhet në reagimin e LDK-së.
Më shumë në këtë temë: Përplasje mes presidencës dhe qeverisë për pandeminë në veri
Mbretëria e Bashkuar raporton për 708 vdekje të reja
Në Mbretërinë e Bashkuar janë raportuar 708 vdekje të reja nga koronavirusi i ri.
Viktimë ka qenë edhe një fëmijë 5 vjeçar.
Edhe në shtetin e Nju Jorkut në SHBA është shënuar rekord i vdekjeve nga koronavirusi i ri.
Në 24 orët e fundit janë regjistruar 630 vdekje, ka thënë guvernatori, Andreë Cuomo.
