Parashikohen 7,000 deri në 20,000 vdekje në Britani
Sekretari britanik për Shëndetësi, Matt Hancock, nuk ka përjashtuar mundësinë e ndalimit të stërvitjeve në ambiente të hapura, nëse njerëzit nuk respektojnë masat e distancimit fizik dhe qëndrimit nëpër shtëpi.
“Nëse nuk dëshironi të na shtyni të marrim masa për të ndaluar ushtrimet e të gjitha llojeve jashtë shtëpisë, atëherë duhet të respektoni rregullat”, ka shtuar mes tjerash ai.
Ndërkohë epidemiologu britanik, Neil Ferguson ka thënë për BBC-në se Mbretëria e Bashkuar mund të përballet me 7,000 deri në 20,000 vdekje si pasojë e koronavirusit.
Ai ka thënë se ka “shenja” që masat e izolimit kanë ndihmuar në uljen e shkallës së përhapjes së koronavirusit, duke shtuar se epidemia do të zgjerohet dukshën në 7 deri në 10 ditët e ardhshme.
Ferguson, modeli i të cilit ka udhëzuar Qeverinë britanike që të veprojë kundër koronavirusit, ka thënë: Është tejet e rëndësishme se sa shpejt do të ulen numrat - a do të shohim ngritje të madhe të lakores apo, ashtu si edhe shpresojmë, ulje të shpehtë?
“Kjo varet sesa efektive janë masat aktuale”, ka shtuar mes tjerash ai.
Sipas të dhënave të Universitetit Johns Hopkins, aktualisht në Britani janë infektuar 42,479 persona të prekur me koronavirusin e ri, ndërkohë që 4,320 të tjerë kanë vdekur.
Analizoni në shkallë mikroskopike koronavirusin që ka shkaktuar pandemi në gjithë botën dhe ka marrë jetën e qindra mijëra personave.
Afër armikut: Detajet e jashtëzakonshme të koronavirusit
Jordania përdor dronë dhe kamera për monitorizim të izolimit
Jordania ka thënë se do të përdorë dronë dhe kamera vëzhgimi për të monitoruar zbatimin e masës së izolimit në këtë shtet, me qëllim të parandalimit të përhapjes së koronavirusit.
“Forcat e armatosura dhe shërbimet e sigurisë do të garantojnë zbatimin e izolimit duke përdorur teknologji moderne”, ka thënë Ministri shtetëror për Informacion, Amjad al-Adayleh.
Jordania deri më tani ka raportuar për pesë persona të vdekur dhe 323 raste të prekura me sëmundjen Covid-19, që shkakton koronavirusi.
Adayleh, i cili shërben edhe si zëdhënës qeveritar ka paralajmëruar se autoritetet “do të marrin masat e nevojshme kundër secilit që nuk respekton vendimet”.
Jordania ka thënë se ka arrestuar të paktën 1,600 persona për shkelje të vendimeve, duke i ndëshkuar me gjoba të ashpra.
Mbretëresha britanike i drejtohet kombit
Mbretëresha Elizabeta II e Britanisë së Madhe do të mbajë një fjalim drejtuar kombit më vonë gjatë ditës së diel. Prej kur ka fituar këtë pozitë, kjo do të jetë vetëm hera e katërt që Mbretërësha britanike i drejtohet kombit në këtë mënyrë.
Ajo pritet të theksojë rëndësinë e mbajtjes së disiplinës gjatë pandemisë me koronavirus.
Fjalimi i saj vjen në kohën kur në Britani numri i personave të vdekur nga koronavirusi ka arritur 4,313.
Cilat kanë qenë tri rastet parapake?
1991: Kur Mbretëria e Bashkuar është përfshirë në Luftën e parë të Gjirik, ajo u ka bërë thirrje njerëzve për t’u lutur që ofensiva të jetë “e shpejtë dhe e sigurt”.
1997: Në prag të ceremonisë së funeralit të Princeshës Diana, Mbretëresha i është drejtuar kombit nga Pallati Buckingham.
2002: Mbretëresha britanike i është drejtuar kombit edhe një herë tjetër, një ditë para funeralit të nënës së saj.
