Vuçiq: I gatshëm të bashkëpunoj me Prishtinën në luftimin e koronavirusit
Presidenti i Serbisë, Aleksandar Vuçiq, shprehu gatishmërinë e tij për, siç tha, bashkëpunim të plotë me autoritetet në Prishtinë, në luftën kundër koronavirusit.
Në një bisedë telefonike me shefin e Misionit të Kombeve të Bashkuara në Kosovë, Zahir Tanin, Vuçiq shprehu shqetësimin e tij për përhapjen e koronavirusit në Kosovë, thuhet në një komunikatë të lëshuar nga Presidenca e Serbisë, të cilën e transmeton Shërbimi i Ballkanit i Radios Evropa e Lirë.
Beogradi është i vendosur për t’i ndihmuar serbët në Kosovë për të luftuar epideminë, tha Vuçiq.
Komuniteti serb në Kosovë i raporton rastet e të prekurve me koronavirus në Serbi.
Drejtori i Zyrës për Kosovën në Qeverinë e Serbisë, Marko Gjuriq, ka bërë të ditur se 27 persona nga mjediset serbe në Kosovë janë infektuar, ndërsa një ka humbur jetën.
Bëhet e ditur se Vuçiq dhe Tanin kanë biseduar edhe për situatën politike dhe të sigurisë në Kosovë.
Disa këshilla nga Organizata Botërore e Shëndetësisë:
Si dhe kur duhet të përdoret maska?
Çekia raporton rritjen më të ngadalshme ditore të rasteve me koronavirus
Republika Çeke raportoi të hënën për rritjen më të ulët të numrit të rasteve me koronavirus.
Ministria e Shëndetësisë tha se deri në mesnatën e së dielës, Çekia ka pasur 4,591 raste me koronavirus, që do të thotë 2.6 për qind më shumë se ditën paraprake.
Kjo, sipas autoriteteve, është përqindja më e ulët e rritjes së numrit të rasteve që nga fillimi i marsit, kur Çekia ka raportuar rastet e para me koronavirus.
Ky vend ka kryer 85,014 teste deri më tash dhe synon të rrisë kapacitetin e testimit përtej 10,000 në ditë.
Në Çeki, 96 pacientë janë shëruar nga koronavirusi, ndërsa 72 kanë vdekur.
Deri të dielën, 391 persona kanë qenë në spital – 84 prej tyre në gjendje serioze.
Si krahasohet COVID-19 me sëmundje të tjera?
Si krahasohet COVID-19 me sëmundje të tjera infektive?