Vdes edhe një pacient nga koronavirusi në Kosovë
Në orët e vona të së enjtes është raportuar për viktimën e shtatë nga koronavirusi në Kosovë.
Klinika Infektive në Qendrën Klinike Universitare të Kosovës ka njoftuar se pacienti Z. I, 72-vjeçar, ishte nga komuna e Gjilanit.
“Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese”, është thënë mes tjerash në komunikatë.
Deri të enjten, në të gjitha komunat e Kosovës është raportuar për 224 persona të prekur me koronavirus, duke përshirë 37 persona të shëruar.
Në Malishevë, Mitrovicë të Veriut dhe Zveçan do të aplikohet "orar i lëvizjes"
Ministri në detyrë i Shëndetësisë në Kosovë, Arben Vitia, përmes një komunikate për media, ka deklaruar që në bazë të situatës epidemiologjike dhe rekomandimeve të Ministrisë së Shëndetësisë, është vendosur që në Malishevë, Mitrovicë të Veriut dhe Zveçan, të aplikohet “ orari i lëvizjes për nevojat bazike për qytetarët” e këtyre komunave.
Në Malishevë do të ndalohet qarkullimi i qytetarëve nga ora 14:00 e deri në orën 6:00 të mëngjesit. Ndërkaq, në Mitrovicën e Veiut dhe në Zveçan, ndalohet qarkullimi nga ora 12:00 e mesditës deri në orën 6:00 të mëngjesit.
Vendimi, siç ka thënë Vitia është marrë në koordinim me komunat përkatëse, për shkak të numrit të rritur të personave të sëmurë me koronavirus. Ky vendmi hyn në fuqi me 10 prill.
Vitia po ashtu ka theksuar që në ditët në vijim do të merren vendime edhe për komunat tjera të Kosovës.
Të njëjtin vendim, të enjten e kanë marrë edhe Shtabet e krizave për luftë kundër koronavirusit në Mitrovicë të Veriut dhe në Zveçan.
Deri të enjten, në të gjitha komunat e Kosovës është raportuar për 224 persona të prekur me koronavirus, duke përshirë 37 persona të shëruar dhe gjashtë të vdekur.
Guvernatori i Nju Jorkut: Virusi, "djalli i njëjtë sikurse 11 shtatori"
Guvernatori i Nju Jorkut, Andrew Cuomo ka thënë se koronavirusi është duke u zgjeruar në këtë shtet “me paqartësinë e njëjtë, djallin e njëjtë, sikurse të 11 shtatorit”.
Sulmet e 11 shtatorit të vitit 2001 kanë qenë “shkatërruese, shumë tragjike, mirëpo ne kemi humbur më shumë banorë të Nju Jorkut për shkak të këtij vrasësi të heshtur”, ka thënë guvernatori në një adresim për media.
Ai ka shtuar se nga sëmundja Covid-19 që shkakton koronavirusi, ka lënë të vdekur 7,067 shtetas të Nju Jorkut, apo tre herë më shumë në krahasim me 2,753 sa kishin vdekur më 2001.
Kjo deklaratë është bërë në ditën kur është raportuar për 779 vdekje tjera nga kjo sëmundje.
“Kjo gjë është shokuese dhe tejet e dhimbshme”, ka thënë Cuomo.
Ai ka thënë se Nju Jorku, njëherësh epiqendra e virusit të Shtetet e Bashkuara është duke “përjetuar ulje të lakores”.
Ai u ka bërë thirrje sërish banorëve të Nju Jorkut që të mbajnë distancë fizike.
Guvernatori i Nju Jorkut: Virusi, "djalli i njëjtë sikurse 11 shtatori"
Guvernatori i Nju Jorkut, Andrew Cuomo ka thënë se koronavirusi është duke u zgjeruar në këtë shtet “me paqartësinë e njëjtë, djallin e njëjtë, sikurse të 11 shtatorit”.
Sulmet e 11 shtatorit të vitit 2001 kanë qenë “shkatërruese, shumë tragjike, mirëpo ne kemi humbur më shumë banorë të Nju Jorkut për shkak të këtij vrasësi të heshtur”, ka thënë guvernatori në një adresim për media.
Ai ka shtuar se nga sëmundja Covid-19 që shkakton koronavirusi, ka lënë të vdekur 7,067 shtetas të Nju Jorkut, apo tre herë më shumë në krahasim me 2,753 sa kishin vdekur më 2001.
Kjo deklaratë është bërë në ditën kur është raportuar për 779 vdekje tjera nga kjo sëmundje.
“Kjo gjë është shokuese dhe tejet e dhimbshme”, ka thënë Cuomo.
Ai ka thënë se Nju Jorku, njëherësh epiqendra e virusit të Shtetet e Bashkuara është duke “përjetuar ulje të lakores”.
Ai u ka bërë thirrje sërish banorëve të Nju Jorkut që të mbajnë distancë fizike.