Lirohen disa persona nga karantina e krijuar në Qendrën e Studentëve
Ministria e Shëndetësisë ka njoftuar për largimin e disa personave nga karantina e krijuar në Qendrën e Studentëve, të cilët kanë rezultuar negativë në testin për koronavirus, ndërkohë që të infektuarit do të dërgohen në Klinkën Infektive.
Në këtë Qendër dërgohen personat që arrijnë në Kosovë nga vendet tjera.
Kjo Ministri po ashtu ka thënë se ndonëse këta persona do të lirohen, ata duhet të qëndrojnë edhe për dy javë tjera në vetizolim në përputhje me rekomandimet e Institutit Kombëtar të Shëndetësisë Publike.
“Shkelja e udhëzimeve të MSh e IKSHPK-së për vetizolimin e obliguar do të dënohet sipas legjislacionit në fuqi për situata emergjente të shëndetësisë publike”, është thënë mes tjerash në njoftim.
Sipas të dhënave të fundit, në të gjitha komunat e Kosovës është raportuar për 227 persona të prekur me koronavirus, duke përshirë 38 persona të shëruar dhe shtatë të vdekur.
Një 101-vjeçar shërohet plotësisht nga koronavirusi
Një 101-vjeçar, që ka rezultuar pozitiv në testin për koronavirus, është kthyer në shtëpi nga spitali, pas shërimit të plotë nga sëmundja.
Keith Watson, nga Mbretëria e Bashkuar ishte shtruar në spital për një operim në këmbë, dhe më vonë ka rezultuar edhe si i infektuar me virus, pas temperaturës së lartë, me të cilën është përballur.
“Shkuarja në operacion ka qenë një gjë dhe më pas kur e kemi kuptuar se ai është pozitiv në koronavirus, e kemi menduar më të keqen”, ka thënë një familjare e tij.
“Ai është fantasitk për moshën që ka”.
Fotografia e tij me stafin mjekësor është shpërndarë gjithandej nëpër rrjetet sociale.
Sipas të dhënave të Unversitetit Johns Hopkins, deri më tani në Mbretërinë e Bashkuar janë regjistruar 65,872 persona të infektuar dhe 7,993 të vdekur, si pasojë e koronavirusit të ri.
“Kontrollojeni jetën tuaj” edhe gjatë pandemisë
Pandemia e koronavirusit jo vetëm që kërcënon shëndetin fizik të miliona njerëzve në botë, por ndikon edhe në mirëqenien emocionale dhe mendore të tyre. Disa studime tregojnë se ankthi, pafuqia, brenga janë në rritje. Për disa psikologë, të qenët i shqetësuar në këtë kohë është e kuptueshme. Por, a ka ndonjë gjë që njerëzit mund të bëjnë për të përballuar ndikimin emocional të situatës? Për këto dhe të tjera, për Exposenë flet Andreas Kappes, psikolog në Universitetin e Londrës.
Zaev dhe Mickoski vendosen në izolim 14-ditor
Dy liderët e dy partive më të mëdha maqedonase, ai i Lidhjes Social-Demokrate në Maqedoni të Veriut, Zoran Zaev dhe VMRO DPMNE-së Hristian Mickoski, janë vendosur në izolim 14-ditor për shkak se kanë pasur kontakt me një gazetar që tashmë ka rezultuar pozitiv me koronavirus, ka bërë të ditur të premten ministrisë i Shëndetësisë së Maqedonisë së Veriut Venko Filipçe, në një konferencë të jashtëzakonshme për shtyp.
Ministri Filipçe tha se gjendja e gazetarit të infektuar me koronavrus është stabile dhe i njëjti është i shtrirë në spitalin "8 Shtatori" në Shkup.
Ai po ashtu ka bërë të ditur se pas realizimit të testit për sëmundjen, Covid-19, që shkakton koronavirusi, Mickoski ka rezultuar negativ ndërsa rezultatet për Zaevin pritet të vijnë gjatë ditës, por që të dy do të ndodhen në vetizolim të detyrueshëm shtëpiak gjatë 14 ditëve.
Lajmin e plotë e gjeni këtu