SHBA tejkalon Italinë me numrin e viktimave nga koronavirusi
Shtetet e Bashkuara kanë tejkaluar Italinë të shtunën, duke u kthyer në shtetin me më së shumti të vdekur si pasojë e koronavirusit.
Autoritetet amerikane kanë raportuar për më shumë se 19,600 të vdekur prej kur ka shpërthyer virusi në SHBA, transmeton agjencia e lajmeve Reuters.
Gjatë ditës së shtunë është raportuar për më shumë se 2,000 të vdekur brenda 24 orëve.
Ekspertë për shëndetin publik kanë paralajmëruar se numri i të vdekurve në SHBA mund të arrijë në 200,000 nëse masat e pashembullta për qëndrim në shtëpi dhe mbyllje të bizneseve lehtësohen pas 30 ditëve.
Megjithatë, presidenti amerikan, Donald Trump ka thënë se dëshiron që jeta t’i kthehet normalitetit sa më shpejt që është e mundur.
“Mua do të më duhet të marr një vendim, dhe i lutem Zotit që do të jetë vendimi i drejtë. Është vendimi më i madh që kam marr ndonjëherë”, ka thënë Trump para gazetarëve.
A ju ka ofruar më shumë izolimi me familje dhe miqtë?
Njerëzit që besojnë se izolimi do t’i forcojë lidhjet familjare
Rrëfimet e rënda të stafit mjekësor që po lufton koronavirusin
Mjekët dhe infermierët që po i trajtojnë pacientët me koronavirusin e ri, po përballen me orë të gjata brutale në punë, me numrin e vdekjeve në rritje, si dhe me frikën se mund të infektohen edhe vetë.
Të rejat e fundit nga Shtetet e Bashkuara tregojnë se:
-Janë shënuar 2,000 vdekje brenda ditës si pasojë e koronavirusit të ri, të cilat kanë dhënë shenja se SHBA-ja mund të tejkalojë Italinë për nga numri i viktimave, marrë parasysh edhe numrin më të madh të popullsisë
-Mjeku Anthony Fauci, që është duke udhëhequr përgjigjjen e Shteteve të Bashkuara për koronavirusin ka thënë se është “duke u parë rënie e nivelit” të rasteve të infektimeve dhe të vdekjeve
-Presidenti amerikan, Donald Trump ka njoftuar për krijimin e një task-force me qëllim të analizimit të mënyrave për rihapje të shtetit. Ky ekip do të krijohet nga zyrtarë shëndetësorë dhe liderë të biznesit
-Kompanitë Apple dhe Google janë duke zhvilluar bashkërisht teknologji për të informuar njerëzit nëse së fundmi kanë qenë në kontakt me ndonjë person të infektuar me koronavirus