Spanja u lejon disa qytetarëve t'i rikthehen punës
Autoritetet spanjolle kanë lejuar që disa punëtorë, të fillojnë të kthehen në punët e tyre, por ministri i Shëndetësisë, Salvador Illa, tha se qeveria do të ketë kujdes me lehtësimin e masave tjera.
Illa tha se zyrtarët do të vazhdojnë me "kujdesin dhe maturinë maksimale, në lehtësimin e kufizimeve dhe gjithmonë të bazuar "në prova shkencore".
"Ne nuk jemi në gjendje të përcaktojmë datat kur izolimi mund të përfundojë", tha ai një konference për media në Madrid.
Qeveria spanjolle, në përpjekje për të rihapur ekonominë, ka lejuar punëtorët të kthehen në vendet e punës në fabrika dhe sektorin e ndërtimit.
Por, dyqanet dhe shërbimet me pakicë duhet të qëndrojnë të mbyllura dhe ata që punojnë në zyre, duhet të vazhdojnë të punojnë nga shtëpitë.
Numri i përgjithshëm i vdekjeve nga koronavirusi në Spanjë është mbi 17 mijë persona.
Maska kundër COVID 19 nga të mbijetuarat e dhunës seksuale
Të mbijetuarat e dhunës seksuale gjatë luftës së fundit në Kosovë kanë filluar të prodhojnë maska për fytyrë, të cilat ndihmojnë në parandalimin e përhapjes së koronavirusit.
Këtë e ka bërë të ditur Ambasada Amerikane në Prishtinë përmes një postimi në rrjetin social Facebook.
“Përballë vështirësive financiare, të mbijetuariat e dhunës seksuale në Kosovës nga Drenasi, zakonisht fitojnë për jetesën e tyre duke shitur vepra artizanale. Sot, përmes Qendrës së Rehabilitimit të Kosovës për Viktimat e Torturës ata po bëjnë maska të fytyrës, 100 për qind pambuk, për të ndihmuar në mposhtjen e COVID-19”, thuhet në postimin e ambasadës amerikane.
Në Kosovë rastet e parë me koronavirus janë shënuar më 13 mars.
Aktualisht në gjithë territorin e Kosovës me këtë sëmundje janë infektuar 362 persona, 59 janë shëruar dhe tetë persona kanë vdekur.
Putin: Situata po bëhet më keq
Presidenti i Rusisë, Vladimir Putin, ka paralajmëruar se situata në Rusi po përkeqësohet, pasi vendi u përball me rritje të numrit të të infektuarve nga koronavirusi i ri.
"Siç po e shohim, situata po ndryshon pothuajse çdo ditë. Për fat të keq, nuk po ndryshon për mirë", u tha ai anëtarëve të qeverisë ruse.
Presidenti rus gjithashtu tha se ushtria mund të angazhohet për të ndihmuar në parandalimin e përhapjes së virusit, siç ishte bërë në Itali dhe gjetkë.
Të hënën, shifrat treguan për më shumë se 2.550 infeksione të reja në Rusi, duke e çuar numrin e përgjithshëm në 18.328.
Pothuajse dy të tretat e rasteve të konfirmuara ishin në kryeqytetin Moskë.
Kroacia raporton për 50 raste të reja me koronavirus
Në Kroaci gjatë 24 orëve të kaluara janë konfirmuar edhe 50 raste me koronavirusin e ri.
Numri i përgjithshëm i të infektuarve ka arritur në 1650, tha ministri i Shëndetësisë, Vili Berosh.
Gjatë kësaj periudhe 24-orëshe, dy persona kanë vdekur nga sëmundja, duke e rritur numrin e viktimave në 25.
Në Kroaci, pesëdhjetë viruse të infektuara rishtazi janë regjistruar në 24 orët e kaluara, kështu që numri i përgjithshëm i pacientëve është 1650, tha Ministri i Shëndetësisë Vili Beros në një konferencë të rregullt për shtyp të Shtabit të Qeverisë për Mbrojtjen Civile.