Italia shënon 602 viktima të reja
Numri i viktimave në Itali është rritur gjatë 24 orëve të fundit, njoftuan autoritetet.
Sipas të dhënave, nga koronavirusi i ri kanë humbur jetën 602 persona.
Numri i përgjithshëm i vdekjeve në këtë shtet është 21,067.
Megjithatë, zyrtarët njoftuan se numri i pacientëve në kujdes intensiv ka vazhduar të bie.
Në trajtim të tillë mjekësorë janë gjithsej 3,186 persona.
Mbi 500 punonjës shëndetësorë në Serbi janë infektuar me koronavirus
Në Serbi, të martën u konfirmuan edhe nëntë persona të vdekur nga koronavirusi i ri duke e çuar numrin e përgjithshëm të viktimave në 94.
Gjatë 24 orëve të fundit janë testuar 2,440 persona nga të cilët pozitivë kanë dalë 411 raste duke e çuar numrin e përgjithshëm të të infektuarve në 4,465.
Autoritetet kanë njoftuar se më shumë se 500 profesionistë shëndetësorë janë të infektuar nga koronavirusi.
Zëvendëskryesuesja e Institutit "Batut", Darija Kisiq Tepavçeviq, tha se nga 4,936 punonjës shëndetësorë që janë testuar në Serbi, që nga shpërthimi i epidemisë, 533 kanë dalë pozitiv.
Siç tha ajo, edhe 1,062 të punësuar në sistemin shëndetësor serb janë duke pritur për rezultatet e testit.
Mbi 12 mijë të vdekur në Mbretërinë e Bashkuar
Numri i përgjithshëm i viktimave nga koronavirusi në Mbretërinë e Bashkuar ka arritur në 12,107 njoftuan autoritetet. Vetëm gjatë 24 orëve të fundit ka pasur 778 vdekje të reja.
Departamenti i Shëndetësisë në Mbretërinë e Bashkuar tha se deri më tani janë testuar 302.599 njerëz nga të cilët 93.873 kanë dalë pozitiv.
Danimarka synon të përfundojë izolimin më shpejt sesa ishte planifikuar
Qeveria e Danimarkës dëshiron të dalë nga izolimi më shpejt nga sa ishte parashikuar më parë, pasi numri i të infektuarve nga koronavirusi po bie, tha të martën kryeministrja e Danimarkës, Mette Frederiksen.
"Numri i të hospitalizuarve nuk është rritur, por ka rënë. Dhe numri i njerëzve në kujdes intensiv gjithashtu po bie", tha Frederiksen pa specifikuar detajet e propozimit të qeverisë.
Propozimi do të diskutohet me partitë e tjera në parlament më vonë të martën, tha Frederiksen.