Arrin në 49 numri viktimave nga koronavirusi në Maqedoninë e Veriut
Në Maqedoninë e Veriut janë regjistruar edhe tri viktima nga koronavirusi me çka numri i të vdekurve ka arritur në 49.
Ministria e Shëndetësisë ka njoftuar se viktimat janë nga Kumanova, 85-vjeçar, Krusheva, 77-vjeçar dhe Llabinusha e Strugës, 64-vjeçar.
Ky i fundit ka ndërruar jetë para tre ditëve por të premten është konstatuar se ka qenë i infektuar me sëmundjen COVID-19, që shkakton koronavirusi i ri.
Sipas raportit të Ministrisë, gjatë 24 orëve të fundit janë regjistruar 36 raste të të infektuarve me koronavirues duke e çuar numrin në 1,117. Në Shkup janë regjistruar 22 raste ndërsa në Kumanovë katër, që është edhe numri më i vogël që nga përhapja e virusit në këtë qytet.
Gjatë orëve të fundit 18 persona janë shëruar ndërsa numri i përgjithshëm i tyre është 139.
Ndërkohë sipas statistikave të Ministrisë së Punëve të Brendshme, 83 persona nuk e kanë respektuar orën policore, 56 prej tyre janë shoqëruar në stacione për procedurë të mëtejmë kundërvajtëse. Kjo Ministri ka njoftuar se 163 personave u ka dhënë vendime për izolim kurse 47 të tjerëve për vetizolim.
Nga e premtja në orën 16:00 në gjithë territorin e Maqedonisë Veriore ka hyrë në fuqi vendimi për ndalimin e tërësishëm të lëvizjes së qytetarëve që do të zgjasë deri të martën në orën 05:00.
Serbia i dhuron Kosovës teste për koronavirus
Zëdhënësi i Ministrisë së Shëndetësisë në Kosovë, Faik Hoti tha për Radion Evropa e Lirë se Serbia do t’i dhurojë Institutit të Shëndetit Publik në Kosovë 1,000 teste për koronavirus.
Ai shtoi se Kosova do t’i sigurojë edhe 2,000 teste nga një marrëveshje e mëhershme.
Hoti tha se të premten do të dihet po ashtu se kush e fiton tenderin edhe për 10,000-13,000 teste të tjera.
Nga 8 shkurti, në Kosovë janë testuar 3,915 persona, nga të cilët 449 kanë rezultuar pozitivë me sëmundjen Covid-19, që e shkakton koronavirusi.
Autoritetet kanë bërë të ditur se në territorin e Kosovës janë shënuar 12 raste të vdekjes si dhe 79 të shëruar, si pasojë e këtij virusi.
Sipas të dhënave të Organizatës Botërore të Shëndetësisë në Kosovë, kjo e fundit ka pasur gjithsej 600 teste të enjten.
Shpërthimi i koronavirusit në Gjermani është “nën kontroll”
inistri gjerman i Shëndetësisë, Jens Spahn ka thënë se shpërthimi i koronavirusit është nën kontroll, pas uljes së shkallës së infektimit.
Ashtu siç është përmendur edhe më parë, Spahn ka thënë se numri i personave të shëruar është më i madh sesa numri i infektimeve të reja, çka tregon se izolimi ka qenë i suksesshëm.
“Shpërthimi është bërë i kontrollueshëm dhe i menaxhueshëm sërish”, ka thënë ai në një konferencë për media, duke shtuar se sistemi shëndetësor “nuk ka qenë i stërngarkuar deri më tani”.
Të dhënat e publikuara nga Agjencia gjermane për Kontrollin e Sëmundjeve tregojnë se shkalla e infektimit është uluar për 0.7, që nënkupton se një person i infektuar ka bartur sëmundjen në më pak se një person tjetër.
Megjithatë, numri i fataliteteve është duke u rritur ende, ashtu sikurse shifrat e stafit të infektuar shëndetësor.
Gjermania është përgëzuar për përpjekjet agresive të testimit.
Sipas të dhënave të Unviersitetit Johns Hopkins, deri më tani ka regjistuar gati 138,000 raste të infektimit, dhe 3,868 vdekje si pasojë e koronavirusit të ri.
Është i lirë dhe i qasshëm pothuajse në secilin dyqan. Sapuni këto ditë mund të shpëtojë jetën tuaj (ose të dikujt tjetër)
Fuqia e sapunit
