Belgjika vlerëson se kulmi i krizës së koronavirusit ka kaluar
Numri i njerëzve të pranuar në spitalet e Belgjikës ka rënë në nivelin më të ulët brenda një muaji, duke bërë që autoritetet shëndetësore të vlerësojnë se kriza e koronavirusit e ka kaluar kulmin e saj.
Të dielën në spitale janë pranuar 232 njerëz, shifër kjo më i ulët, që nga 19 marsi.
"Ne po shkojmë drejt asaj që quhet de-izolim", ka thënë Emmanuel Andre, zëdhënës i këshillit të emergjencës kundër COVID-19.
Belgjika, ka pasur një nga nivelet më të larta të rasteve të konfirmuara të COVID-19 dhe vdekjeve në Evropë.
Numri i përgjithshëm i vdekjeve ka arritur në 5.828.
Autoritetet kanë njoftuar se numri i të infektuarve ka shkuar në 39,983.
Shqipëria konfirmon 22 raste të reja me COVID-19
Në Shqipëri gjatë 24 orëve të fundit janë konfirmuar 22 raste të reja të të infektuarve me koronavirusin e ri.
Eugena Tomini nga Instituti i Shëndetit Publik ka thënë se numri i përgjithshëm i të infektuarve ka arritur në 231.
Ajo bëri të ditur se 13 persona janë shëruar nga sëmundja duke e çuar numrin e të shëruarve në 327.
Shqipëria, deri më tani, ka regjistruar 26 të vdekur nga koronavirusi i ri.
Spanja konfirmon edhe 400 raste të vdekjeve
Spanja ka njoftuar për 400 vdekje të reja nga koronavirusi i ri, duke e çuar numrin e përgjithshëm të viktimave në 20,852.
Autoritetet njoftuar se numri i përgjithshëm i të infektuarve ka arritur në mbi 200 mijë.
Spanja ka numrin e dytë më të lartë të rasteve të konfirmuara të të infektuarve në botë, pas SHBA-së, thonë shifrat nga Universiteti Johns Hopkins.
Ministria e Shëndetësisë publikon orarin e ri të qarkullimit
Ministria e Shëndetësisë në Kosovë ka publikuar orarin e ri të qarkullimit të qytetarëve bazuar në numrin e fundit personal në letërnjoftim. Orari vlen për datat 21 deri më 23 prill.
Bazuar në masat e vendosura nga Ministria në detyrë e Shëndetësisë, qytetarët mund të dalin nga shtëpitë e tyre vetëm për 90 minuta në ditë, me qëllim furnizimi.
Orari i daljes është i organizuar në shtatë grupe, nga ora 07:00 deri në 22:30, dhe përcaktohet nga numri i parafundit personal në letërnjoftim.