UNDP i dhuron Kosovës 3,000 teste për koronavirus
Programit për Zhvillim i Kombeve të Bashkuara (UNDP) i ka dhuruar departamentit të mikrobiologjisë molekulare të Institutit Kombëtar të Shëndetësisë Publike në Kosovë 3,000 komplete testimi për zbulimin e koronavirusit.
Kështu ka bërë të ditur Ministria e Shëndetësisë së Kosovës.
“Që nga shpërthimi i pandemisë me koronavirus, UNDP është duke punuar me autoritetet për të mbështetur përpjekjet në luftën kundër pandemisë duke siguruar që të gjithë njerëzit në Kosovë, përfshirë stafin që vepron në vijën e parë, grupet e rrezikuara dhe të margjinalizuara, viktimat e dhunës në familje dhe pakicat”, thuhet në njoftim.
Sipas të dhënave të Institutit të Shëndetësisë Publike në Kosovë nga data 8 shkurt deri më 24 prill 2020 janë testuar gjithsej 5.890 mostra të dyshimta me koronavirusin e ri dhe prej tyre 703 raste janë konfirmuara pozitivë, 19 pacientë kanë vdekur, ndërsa 162 janë shëruar.
Ish-kancelari kërkon që Britania të rihapë ekonominë
Ish-kancelari britanik, Philip Hammond i ka bërë thirrje Qeverisë së Britanisë që të letësojë masat izoluese.
“E vërteta është se ne duhet të nisim të rihapim ekonominë. Por, këtë duhet ta bëjmë në kohën kur jetojmë me COVID-19”, tha ai për BBC.
“Ne nuk mund të presim derisa të zhvillohet vaksina, të prodhohet në sasi të mjaftueshme dhe të shpërndahet për gjithë popullatën. Ekonomia nuk do të mbijetojë për aq gjatë”, ka shtuar ai.
Hammond ka shtuar se masat për të mbrojtur popullatën nga sëmundja COVID-19, që shkaktohet nga koronavirusi i ri, duhet të jenë në fuqi kurdo që të rihapet ekonomia.
Sipas të dhënave të publikuara nga Universiteti Johns Hopkins, në Britanii mbi 144 mijë persona janë infektuar me koronavirus dhe mbi 19 mijë persona kanë humbur jetën.
Belgjika prezanton planin për daljen nga izolimi
Kryeministrja e Belgjikës, Sophie Wilmes ka prezantuar planin për heqjen graduale të masave kufizuese kundër koronavirusit të ri.
Sipas rregullave të reja, të gjitha dyqanet do të lejohen të rihapen nga 11 maji, ndërkaq një javë më pas do të rihapen edhe shkollat – megjithëse numri i nxënësve nëpër klasa do të kufizohet.
Sipas planit të prezantuar nga Qeveria belge, më 4 maj do të rihapet dyqanet e rrobave, me qëllim që njerëzit të mund të respektojnë rregullat e reja, që kërkojnë që të gjithë belgët nga mosha 12-vjeçare, duhet të vendosin maska. Dyqanet tjera do të rihapen një javë më vonë.
Shkollat do të rihapen më 18 maj dhe në një klasë nuk do të lejohen më shumë se dhjetë nxënës. Kafet dhe restorantet pritet që të rihapen më 8 qershor.
Në Belgjikë, mbi 44 mijë persona janë të infektuar me koronavirus. Deri më tani, në këtë shtet janë regjistruar pothuajse 6,700 viktima.
Shqipëria shënon 34 raste të reja me COVID-19
Në Shqipëri brenda 24-orëve të fundit janë shënuar 34 raste të reja të prekur me koronavirus, duke e çuar numrin e përgjithshëm të të prekurve në e të 712.
Me gjithë përpjekjet për të luftuar virusin, vendi me këtë shifër të re shënon numrin më të madh të të prekurve brenda një dite.
Genta Qirjako nga Instituti i Shëndetit Publik ka bërë të ditur se deri tani janë 403 persona të shëruar dhe ka shtuar se po vijon qëndrueshëm numri i të shëruarve në spital.
“Gjatë 24-orëve të fundit janë testuar 247 persona të dyshuar me COVID-19. Nga rezultatet e testimeve janë konfirmuar 34 raste pozitive me COVID-19. Edhe pse ka një numër të lartë të rasteve sot, pjesa më e madhe janë asimptomatikë, pra pa shenja të sëmundjes dhe kryesisht janë kontakte të rasteve pozitive të mëparshme”, tha Qirjako.
Deri në këto momente në Shqipëri janë testuar 7,015 raste të dyshuara. Gjatë 24-orëve të fundit, nënt[ pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 403.
“Aktualisht në vendin tonë 282 janë persona aktivë me COVID-19 dhe siç shihet numri i të shëruarve është më i lartë. Kjo tendencë tashmë vazhdon të jetë e qëndrueshme”, tha Qirjako.
Ajo shtoi se në shërbimin infektiv aktualisht janë 32 të shtruar, katër pacientë janë në terapi intensive, nga të cilët një është i intubuar. Në spitalin COVID 2 “Shefqet Ndroqi”, janë tetë pacientë të shtruar, katër pacientë janë në terapi intensive nga të cilët dy janë të intubuar.
Pra, në dy spitalet që merren enkas me pacientët me COVID-19 aktualisht po marrin shërbim 40 pacientë.
Harta e të prekurve nga COVID-19 shtrihet në Mat dhe zgjerohet në Krujë, Tiranë, Kukës, Kurbin, Berat, Fier, dhe Lushnjë.
Zonja Qirjako nënvizoi se distancimi fizik dhe ruajtja e higjienës personale mbeten të vetmet armë që komuniteti ka në dorë për të frenuar përhapjen e infeksionit.