Turqia arreston mbi 400 vetë për postime “të pabaza” për pandeminë
Autoritetet në Turqi arrestuan 402 persona, nën dyshimet se kanë bërë postime “të pabaza dhe provokuese” në mediat sociale, në lidhje me pandeminë e koronavirusit, tha të hënën Ministria e Brendshme e Turqisë.
“Në 42 ditët e kaluara, 6,362 llogari në mediat sociale janë analizuar; 855 të dyshuar janë konfirmuar, ndërsa 402 janë kapur”, njoftoi Ministria e Brendshme përmes një postimi në Twitter, por nuk dha detaje të tjera.
Një zyrtar i ministrisë i tha agjencisë AFP se shifra është e ndarë nga 410 personat e arrestuar në fund të marsit, nën dyshime të ngjashme.
Qeveria turke ka ndërmarrë disa masa për të frenuar përhapjen e koronavirusit, duke mbyllur shkollat dhe restorantet dhe duke urdhëruar orë policore në fundjavë.
Turqia ka regjistruar mbi 2,800 viktima nga koronavirusi dhe mbi 110,000 raste të të infektuarve.
Në izolim, dhuna në familje në rritje
Derisa miliona njerëz po strehohen në shtëpi gjatë pandemisë se koronavirusit, rastet e dhunës në familje po rriten në Rusi, në Shtetet e Bashkuara të Amerikës dhe në mbarë botën.
Italia shpalos planet për dalje nga izolimi
Italia bëri publike planet për të lehtësuar masat e izolimit, të ndërmarra shtatë javë më parë për frenimin e përhapjes së koronavirusit.
Kryeministri Giuseppe Conte tha se masat do të lehtësohen nga 4 maji, duke u lejuar njerëzve t’i vizitojnë të afërmit e tyre “në një numër të vogël”.
Parqet, fabrikat dhe vendet e ndërtimit do të rihapen, ndërsa mësimi në shkolla nuk do të rinisë deri në shtator.
Vendimi vjen pasi Italia ka regjistruar numrin më të ulët të viktimave në 24 orë, pas disa javësh.
Autoritetet atje thanë se të dielën kanë vdekur 260 njerëz nga koronavirusi, që është numri më i ulët qysh më 14 mars.
Në total, Italia ka shënuar 26,644 viktima na koronavirusi – shifra më e lartë në Evropë.
Sipas të dhënave të Universitetit Johns Hopkins, 197,675 njerëz janë infektuar atje.
Italianët janë izoluar qysh më 9 mars. Ata janë lejuar të dalin jashtë vetëm për nevoja thelbësore.
Masat e izolimit kanë nisur të lehtësohen pak më 14 prill, me rihapjen e disa dyqaneve të vogla dhe librarive.
Organizata Botërore e Shëndetësisë ka dhënë disa këshilla për gratë që janë shtatzëna në kohën e pandemisë:
Shtatzënia dhe gjidhënia për gratë e prekura me COVID-19
