Parlamenti Evropian po përkujdeset për 100 gra të pastreha
Ndërtesa e Parlamentit Evropian në Bruksel është duke strehuar 100 gra - shumica prej tyre viktima të dhunës familjare – të cilat janë prekur rëndë nga izolimi për shkak të koronavirusit në Belgjikë.
Ndërtesa Helmut Kohl, në qendër të qytetit, ka hapur dyert për këto gra të mërkurën.
Zyrat janë kthyer në dhoma gjumi, secila për një apo dy gra. Ato po ashtu janë ushqyer dhe kanë marrë trajtim shëndetësor.
Organizata për bamirësi, Samusocial, ka thënë se kriza ka rritur rastet e abuzimit në familje.
Parlamenti me seli në kryeqytetin belg, është bërë bashkë me këtë organizatë për shfrytëzuar ndërtesën, për të cilën konsiderohet se ka nevojë të madhe, pasi distancimi shoqëror ka shtyrë shumë strehimore për gra që të mbyllen.
“Ne kemi pasur shumë raste që gratë janë hedhur në rrugë prej kur ka nisur izolimi, për shkak të dhunës në familje, e cila ka tendencë për t’u rritur”, ka thënë drejtori i Organizatës Samusocial, Sébastien Roy.
Edhe autoritetet e Brukselit është thënë se janë duke ofruar strehim urgjent nëpër disa hotele për njerëzit e pastrehë.
Ndërtesat e Parlamentit Evropian aktualisht janë pothuajse të zbrazura. Vetëm disa deputetë shkojnë në ndërtesë, dhe shumica debatojnë përmes video-lidhjeve.
Kështu do të duhej të vishej secili mjek këto ditë, por duket se në shumë vende kjo gjë nuk është e mundur. Për shkak të rritjes së numrit të pacientëve të prekur nga koronavirusi i ri, spitalet janë përballur me një varg mungesash.
Çfarë duhet të veshin të gjithë mjekët?
Shkon në 81 numri i viktimave nga koronavirusi në Maqedoninë e V.
Ministria e Shëndetësisë ka njoftuar të premten për katër viktima të reja nga koronavirusi në Maqedoninë e Veriut.
Në Klinikën Infektive në Shkup kan ndërruar jetë dy pacientë nga Prilepi, një grua e moshës 55-vjeçare dhe një burrë 84-vjeçar. Në Prilep, në shtëpinë e saj ka ndërruar jetë edhe një e moshuar e moshës 69-vjeçare, e cila ka qenë e infektuar me sëmundjen COVID-19, që shkakton koronavirusi.
Viktima e katërt është nga qyteti i Koçanit.
Numri i përgjithshëm i viktimave në këtë shtet ka arritur në 81.
Sipas raportit të Ministrisë së Shëndetësisë, në 24 orët e fundit janë shënuar 362 teste, prej të cilëve 29 kanë rezultuar pozitivë me këtë virus.
Numri i të shëruarve edhe ditën e premte ka shënuar rritje. Me 69 raste e reja, numri i të shëruarve nga koronavirusi ka arritur në 807 ndërsa pozitivë janë 606 persona.
Ministri i Shëndetësisë, Venko Filipçe ka njoftuar se nga 1 maji ka hyrë në fuqi vendimi i qeverisë për mbajtjen e detyrueshme të maskave si masë mbrojtëse për parandalimin e përhapjes së Covid-19. Çdo person që nuk respekton masën do të dënohet me nga 20 euro, ndërsa kompanitë që nuk do të respektojnë masat për mbrojtje personale do të dënohen deri më 2,000 euro.
Ministria e Punëve të Brendshme ka njoftuar për ndalimin e 50 personave që nuk kanë respektuar ndalesën për lëvizje gjatë orëve të fundit dhe 42 prej tyre janë arrestuar dhe ndaj tyre do të merren masa konkrete.
Si e ka infektuar Agroni “gjithë ndërtesën” me Covid-19?
Procesi i infektimit është shumë i lehtë. Gjithçka fillon me një teshtimë.
Si e ka infektuar Agroni “gjithë ndërtesën” me Covid-19?
