Franca mund të rikthejë masat e izolimit
Franca mund të rikthejë masat e izolimit në mbarë vendin, nëse do të kishte rritje të numrit të të infektuarve, paralajmëroi Ministri i Shëndetësisë Olivier Veran të hënën.
"Nëse virusi do të përhapej sërish në mënyrë të egër, ne përsëri do të merrnim masa të izolimit", tha Veran për televizionit BFM.
Franca ka vendosur një bllokim tetë-javësh që nga 17 marsi, për të ngadalësuar përhapjen e koronavirusit të ri.
Nga 11 maji këto masa gradualisht po hiqen.
Më 10 maj Franca raportoi për 70 vdekje të reja nga COVID-19, sëmundja që shkaktohet nga koronavirusi i ri.
Ky është numri më i ulët ditor i vdekjeve në javët e fundit.
Në Francë deri më tani janë shënuar gjithsej 26,380 viktima nga koronavirusi.
Kujdesi në shtëpi për personat e prekur nga koronavirusi
Organizata Botërore e Shëndetësisë sjell disa këshilla se si duhet të kujdesemi në shtëpi për personat që dyshohen apo janë të prekur nga sëmundja COVID-19, që shkaktohet nga koronavirusi i ri.
Kujdesi në shtëpi për personat e prekur nga koronavirusi
Pandemia mund ta “falimentojë” gastronominë
Sektori i gastronomisë llogaritet të jetë sektori që ka pësuar më së shumti humbje financiare që nga 13 marsi i këtij viti kur edhe nisën së zbatuari masat emergjente për parandalimin e koronavirusit të ri.
Segmentet më të dëmtuara të këtij sektori janë restorantet, hotelet, baret dhe klubet e natës/diskotekat si dhe sallat e dasmave, që nuk kanë alternativa tjera të të bërit biznes. Kurse edhe tash pas lehtësimit të masave kufizuese, e vetmja formë e lejuar e një pjese të veprimtarisë është ofrimi i ushqimeve përmes shpërndarjes.
Artikullin e plotë mund ta lexoni në këtë link.
Pjesa më e madhe e Evropës po i lehtëson masat e izolimit
Në të gjithë Evropën, vendet po i lehtësojnë masat e izolimit, duke shpresuar se nuk do të çojnë në një valë të dytë të infeksioneve nga koronavirusi i ri.
Në Francë, shkollat fillore do të fillojnë punën me numër të ulët të nxënësve, ndërsa do të rihapen dyqanet e rrobave, libraritë, sallonet e flokëve dhe luleshitësit. Restorantet, kinematë dhe baret do të qëndrojnë të mbyllura.
Në Belgjikë, shumica e bizneseve do të hapen megjithëse do të kërkohet distancimi fizik nga qytetarët. Restorantet, baret dhe kafenetë do të mbesin të mbyllura.
Në Holandë, shkollat fillore do të rihapen pjesërisht. Në kuadër të bizneseve që do të fillojnë punën janë: fizioterapistët, autoshkollat dhe parukierët.
Në Zvicër, shkollat fillore dhe ato të mesme do të hapen, por klasat do të pranojnë numër më të ulët të nxënësve. Restorantet, libraritë dhe muzetë gjithashtu do të hapen, por me kufizime të caktuara.
Në disa rajone të Spanjës, do të lejohen tubimet deri në dhjetë njerëz.
Në Mbretërinë e Bashkuar, këtë javë, do të lehtësohen disa nga masat e izolomit.
Në Danimarkë, qendrat tregtare do të rihapen të hënën ndërsa në Poloni, hotelet mund të rihapen gjatë javës - megjithëse turistët e huaj do të duhet akoma të qëndrojnë në karantinë për dy javë.
Vendet tjera evropiane si Gjermania, Austria dhe Italia tashmë kanë filluar të lehtësojnë kufizimet e tyre.
Në Evropë llogaritet të jenë mbi 1.5 milion persona që janë infektuar me koronavirusin e ri. Spanja, Italia dhe Mbretëria e Bashkuar janë vendet që kanë pasur numrin më të madh të të infektuarve.
Në gjithë botën, sipas të dhënave të Universitetit John Hopkins, janë mbi 4 milionë raste të të infektuarve, që nga shpërthimi i pandemisë.