Ulet ndjeshëm numri i rasteve të reja me COVID-19 në Shqipëri
Në Shqipëri gjatë 24 orëve të fundit janë konfirmuar 4 të reja me koronavirusin e ri. Që nga fillimi i pandemisë numri i përgjithshëm i të infektuarve ka arritur në 872.
Nga sëmundja COVID-19 që e shkakton koronavirusi i ri janë shëruar 654 pacientë, ka thënë Eugena Tomini nga Instituti i Shëndetit Publik.
"Për më shumë se dhjetë ditë nuk kemi asnjë humbje jete", ka thënë ajo.
Më 11 maj Shqipëria ka lehtësuar edhe disa masa të izolimit, por autoritetet u kanë bërë thirrje qytetarëve të tregojnë kujdes të shtuar.
"Pavarësisht lehtësimit të masave, Ministria e Shëndetësisë dhe Mbrojtjes Sociale i fton qytetarët të respektojnë rregullat, të ruajnë distancimin fizik dhe higjienën personale; bizneset të zbatojnë protokollet e sigurisë për të ruajtur shëndetin e qytetarëve. Qytetarët duhet të jenë të kujdesshëm të mos neglizhojnë shenjat e sëmundjes Covid-19", ka thënë Tomini.
Kur do të fluturojmë sërish?
Qiejt janë zbrazur nga avionët komeracialë. Pandemia e koronavirusit ka bllokuar trafikun ajror, tash e sa javë. Se kur do të rikthehet dhe në çfarë forme, tash për tash është vetëm hamendje.
Rritje e numrit të rasteve të reja me COVID-19 në Rusi
Numri i të infektuarve me koronavirus në Rusi ka arritur në mbi 220 mijë.
Rusia është e treta në listën e vendeve me më së shumti raste, pas Shteteve të Bashkuara dhe Spanjës.
Vetëm katër ditë më parë, Rusia ishte e pesta në listë, por për shkak të rritjes së papritur të numrit të pacientëve, ajo kapërceu Italinë dhe Britaninë e Madhe.
Në 24 orët e fundit janë konfirmuar 11,656 raste të reja me COVID-19, sëmundja që shkaktohet nga koronavirusi.
Autoritetet shëndetësore raportuar për 94 viktima të reja duke e çuar numrin e përgjithshëm në 2,009.
Më 11 maj, presidenti i Rusisë, Vladimir Putin, urdhëroi Ministrinë e Situatave të Urgjencës të ndërtojë spitale të improvizuara deri në 20 maj, në mënyrë që të zvogëlojnë rreziqet e përhapjes së COVID-19.
Moska, si dhe rajonet të tjera ruse, kanë qenë nën kufizime të rrepta për gjashtë javë.
Në fund të prillit, kryeministri i Rusisë, Mikhail Mishustin, njoftoi se ai ishte infektuar me koronavirus dhe se do të qëndrojë në vetizolim.
Roli i bankave komerciale në kohë krize
Shumë biznese në Kosovë kanë pësuar humbje të mëdha nga masat emergjente për parandalimin e koronavirusit.
Në mënyrë që të rimëkëmben pas pandemisë, këtyre bizneseve iu nevojiten mjete financiare, ku qasja në këto para në Kosovë çdo herë ka qenë e vështirësuar.
Përfaqësues të bizneseve në vend thonë se bankat komerciale në Kosovë mund të luajnë një rol të rëndësishëm në këtë situatë emergjente.
Artikullin e plotë mund ta lexoni në këtë link.