Infografikë:
Njerëzit që besojnë se izolimi do t’i forcojë lidhjet familjare
Përveç COVID-19, Kosova tash ballafaqohet edhe me rriqra
Për vetëm një muaj në Kosovë janë pickuar mbi 300 persona nga rriqrat, mirëpo sipas mjekëve deri tash asnjë person nuk është infektuar me ethe hemorragjike krime kongo, sëmundje kjo që shkaktohet nga pickimi i rriqrave.
Klinika infektive, në Qendrën Klinike Universitare të Kosovës, tashmë ka bërë përgatitjet në një pjesë të klinikës për të pritur pacientë eventualë me ethe hemorragjike.
Artikullin e plotë mund ta lexoni në këtë link.
Dy të vdekur në Serbi nga COVID-19
Në Serbi janë regjistruar edhe dy vdekje të reja si pasojë e sëmundjes COVID-19, që e shkakton koronavirusi i ri.
Numri i përgjithshëm i viktimave, që nga fillimi i pandemisë, ka arritur në 224, njoftoi Ministria e Shëndetësisë.
Në Serbi autoritetet shëndetësore kanë njoftuar se numri i përgjithshëm i të infektuarve nga koronavirusi ka arritur në 10.374.
Prej tyre, 4,084 janë shëruar.
Rreth 36 milionë amerikanë janë regjistruar si të papunë
Rreth 36 milionë amerikanë janë regjistruar si të papunë që nga shpërthimi i epidemisë së koronavirusit në SHBA, në mesin e muajit mars.
Ekonomistët parashikojnë që niveli i papunësisë të rritet 15 për qind, dhe ndoshta deri në 20 për qind. Ky është niveli më i keq që nga Lufta e Dytë Botërore.
Shumica e shteteve në SHBA kanë qenë në izolim të plotë, si masë për të parandaluar përhapjen e koronavirusit.
Disa shtete kanë filluar ngadalë të rihapin bizneset dhe të tjerët po hartojnë plane për t'i dhënë fund bllokimit.
Megjithatë, shumë amerikanë po hezitojnë të shkojnë përsëri në punë, ose të udhëtojnë dhe të hanë në restorante, nga frika e përhapjes së koronavirusit.
Shifrat e fundit të papunësisë vijnë dy javë pasi të dhënat treguan se ekonomia amerikane u tkurr 4.8 për qind në tremujorin e parë të vitit 2020.
Sipas të dhënave të Universitetit John Hopkins, në Shtetet e Bashkuara, deri më tani, janë konfirmuar 1,391,238 raste të të infektuarve me koronavirusin e ri, që e shkakton sëmundjen COVID-19.