Ndërlidhjet

Gjashtë të vrarë nga të shtënat në një universitet në Rusi


Vendi ku ka ndodhur sulmi në qytetin Perm të Rusisë, 20 shtator, 2021.

Së paku gjashtë persona u vranë, pasi një person i armatosur hapi zjarr në një universitet në qytetin Perm të Rusisë.

Komiteti Hetues i Rusisë tha se sulmuesi u plagos gjatë kapjes.

“I dyshuari është identifikuar. Gjatë arrestimit të tij, ai rezistoi dhe u plagos”, tha Komiteti Hetues, i cili fillimisht raportoi për tetë persona të vrarë.

Sipas mediave lokale, personi i armatosur hyri në një nga ndërtesat e universitetit dhe hapi zjarr.

Qyteti Perm, me rreth 1 milion banorë, ndodhet rreth 1,400 km në verilindje të Moskës.

Sulmi është i dyti i madh në një shkollë ruse brenda katër muajsh.

Në maj, Ilnaz Galyaviev sulmoi një shkollë në Republikën e Tatarstanit, duke vrarë nëntë persona.

XS
SM
MD
LG