Trump dhe Putin do të takohen në Budapest për bisedime
Trump dhe Putin do të takohen në Budapest për bisedime
Presidenti i Shteteve të Bashkuara, Donald Trump, dhe homologu i tij rus, Vladimir Putin, në Alaskë, 15 gusht 2025.
Presidenti i Shteteve të Bashkuara, Donald Trump, dhe homologu i tij rus, Vladimir Putin, janë pajtuar për t’u takuar në Budapest të Hungarisë, pas një bisede telefonike që e zhvilluan të enjten, një ditë para vizitës së presidentit ukrainas, Volodymyr Zelensky, në Uashington.
“U pajtuam që javën e ardhshme të zhvillohet një takim i këshilltarëve tanë të nivelit të lartë… Presidenti Putin dhe unë më pas do të takohemi në vendin për të cilin u morëm vesh, pra në Budapest, Hungari”, shkroi Trump të enjten në mbrëmje në platformën e tij Truth Social.
Presidenti i Hungarisë, Viktor Orban, tha se vendi i tij është bërë tashmë “gati” për t’i pritur Trumpin dhe Putinin.
“Takimi i planifikuar midis presidentëve, amerikan dhe rus, është lajm i shkëlqyer për njerëzit që duan paqe në mbarë botën”, shkroi Orban në X.
Trumpi shtoi se do të takohet me Putinin në Budapest “për të parë nëse mund ta përfundojmë këtë luftë ‘të palavdishme’ midis Rusisë dhe Ukrainës”.
Ai gjithashtu tha se delegacioni amerikan, që do të zhvillojë bisedimet me palën ruse para takimit të tij me Putinin, do të udhëhiqet nga sekretari amerikan i Shtetit, Marco Rubio. Trump theksoi se vendndodhja e këtyre bisedimeve paraprake ende nuk është përcaktuar.
Si Kremlini, ashtu edhe Shtëpia e Bardhë, e përshkruan telefonatën midis Trumpit dhe Putinit si “të mirë” dhe “frytdhënëse”.
Këshilltari për politikë të jashtme i Kremlinit, Yury Ushakov, tha se biseda ishte “jashtëzakonisht e sinqertë dhe e besueshme", duke shtuar se Rusia do t'i fillojë “menjëherë” përgatitjet për këtë takim.
Si do të mund ta ndihmonin Ukrainën raketat amerikane Tomahawk
1/8Një version i hershëm i raketës Tomahawk, duke u testuar mbi Nju-Meksiko, më 1976.
Tomahawk u krijua në vitet '70, mes tensioneve të Luftës së Ftohtë me Bashkimin Sovjetik. Raketa lundruese është e menduar për të fluturuar në largësi të mëdha, mjaftueshëm ulët për të shmangur shumicën e radarëve, me shpejtësi të një avioni pasagjerësh.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
2/8Fotografi e kombinuar që shfaq një Tomahawk duke shpërthyer mbi një aeroplan, gjatë testimeve më 1986.
Raketa me gjatësi prej 5.5-metrash është e pajisur me një predhë me peshë prej gjysmë toni, dhe mund të fluturojë rreth 1.600 kilometra.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
3/8Kombinimi i rrezes së veprimit, shpejtësisë dhe fuqisë shkatërruese e bën atë të jetë armë që s'e ka shokun në fushëbetejë në Ukrainë.
Secila raketë është e pajisur me sisteme komplekse të brendshme të navigacionit, dhe kushton rreth 2 milionë dollarë.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
4/8Një Tomahawk duke fluturuar pranë një avioni luftarak F-14 të marinës së SHBA-së, mbi Kaliforninë jugore, më 2002.
Kievi ka bërë vazhdimisht thirrje për furnizim me raketa amerikane me rreze të gjatë veprimi. Më 2024, presidenti ukrainas, Volodymyr Zelensky, la të kuptohet se Kievi kishte kërkuar Tomahawk. Një zyrtar i Shtëpisë së Bardhë asokohe u raportua ta kishte quajtur kërkesën "tërësisht të parealizueshme".
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
5/8Personeli i marinës britanike duke ngarkuar një Tomahawk në një bazë detare në Oqeanin Indian, në nëntorin e vitit 2001.
Presidenti amerikan, Donald Trump, ka shprehur zemërim gjithnjë e më të madh me Moskën për shkak të ngecjes së negociatave për paqe. Furnizimi i mundshëm i Ukrainës me Tomahawk u raportua të jetë kthyer në agjendë së voni, teksa Shtëpia e Bardhë po synon ta detyrojë Kremlinin "t'i përjetojë dhimbjet" e luftës që ka nisur.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
6/8Një Tomahawk e lëshuar nga një nëndetëse duke goditur një objektiv në Ishullin San Klementi, një qendër stërvitore e marinës amerikane pranë bregut të Kalifornisë jugore, gjatë një prove të kryer në nëntorin e vitit 1998.
Në një bisedë telefonike në fillim të muajit korrik, presidenti Trump raportohet ta ketë pyetur homologun Zelensky: "Volodymyr, a mund ta godisni ju Moskën? [...] A mund ta godisni edhe Shën Petersburgun?". Presidenti ukrainas thuhet të jetë përgjigjur: "Sigurisht se po. Mundemi, nëse na i jepni armët".
Më 15 korrik, Trump mohoi se po synon ta armatosë Kievin me raketat me rreze të gjatë veprimi.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
7/8Një anije e marinës amerikane duke lëshuar një raketë Tomahawk në Detin Mesdhe, në marsin e vitit 2011.
Nuk dihet se si do ta përdorte Ukraina armën, e cila lëshohet zakonisht nga anijet apo nëndetëset luftarake.
Raketat Tomahawk mund të lëshohen edhe nga disa aeroplanë luftarkë, por një zyrtar ukrainas ka pranuar se ato "nuk janë të lehta për t'u përdorur" pa avionë bombardues strategjikë, të cilët Kievi nuk i ka.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
8/8Sistemet amerikane Typhoon, të cilat mund të lëshojnë raketa lundruese Tomahawk.
Raketalëshues të rinj tokësorë për Tomahawk ekzistojnë, por teknologjinë aktualisht e zotëron vetëm SHBA-ja.
Sistemet e lëshimit nga toka për raketat lundruese nisën të ndërtohen pas dështimit të Traktatit për Forcat Bërthamore me Rreze Mesatare Veprimi, më 2019. Marrëveshja SHBA-Rusi ndalonte raketat tokësore me rreze prej ndërmjet 500 dhe 5.500-kilometrash.
Presidenti i Shteteve të Bashkuara të Amerikës, Donald Trump, u tha gazetarëve më 6 tetor se ai “në njëfarë mënyre e ka marrë një vendim” lidhur me furnizimin e Ukrainës me raketat Tomahawk. Kështu do të ndryshonte gjendja në fushëbetejë midis Moskës dhe Kievit, nëse Uashingtoni e furnizon atë me këtë armë të avancuar. (Përgatiti: Trim Haliti)
Previous slide
Next slide
Telefonata midis dy liderëve ndodhi pak para takimit të Trumpit me Zelenskyn, i cili pritet të mbërrijë në Shtëpinë e Bardhë të premten.
“Presidenti Zelensky dhe unë do të takohemi nesër, në Zyrën Ovale, ku do të flasim për bisedën time me presidentin Putin dhe për shumë çështje të tjera”, tha Trump.
Kohët e fundit, Trump ka shprehur zhgënjimin e tij me Putinin dhe luftën e Moskës në Ukrainë, duke thënë më 15 tetor se presidenti rus nuk duket se dëshiron ta përfundojë konfliktin, gjë që e bën atë të duket “shumë keq”.
Ndërkohë, Zelensky pritet të bisedojë për mbrojtjen ajrore të Ukrainës dhe mundësinë që ajo të kryejë sulme me rreze të gjatë veprimi gjatë takimit të tij me Trumpin në Shtëpinë e Bardhë të premten.
Dy liderët kanë folur dy herë gjatë fundjavës, mes diskutimeve të intensifikuara për një vendim të mundshëm të SHBA-së për t’i ofruar Kievit raketa me rreze të gjatë veprimi, Tomahawk.
Trump nuk e ka përjashtuar mundësinë e furnizimit me raketa Tomahawk, të cilat kanë një rreze veprimi deri në 2.500 kilometra dhe mund të pajisen me koka bërthamore.
Kremlini ka paralajmëruar kundër furnizimit të Kievit me këto raketa.
![Një Tomahawk e lëshuar nga një nëndetëse duke goditur një objektiv në Ishullin San Klementi, një qendër stërvitore e marinës amerikane pranë bregut të Kalifornisë jugore, gjatë një prove të kryer në nëntorin e vitit 1998.<br><br>Në një bisedë telefonike në fillim të muajit korrik, presidenti Trump raportohet ta ketë pyetur homologun Zelensky: "Volodymyr, a mund ta godisni ju Moskën? [...] A mund ta godisni edhe Shën Petersburgun?". Presidenti ukrainas thuhet të jetë përgjigjur: "Sigurisht se po. Mundemi, nëse na i jepni armët".<br><br>Më 15 korrik, Trump mohoi se po synon ta armatosë Kievin me raketat me rreze të gjatë veprimi.](https://gdb.rferl.org/a036e9d4-3ac5-4f2d-9386-08ddc37e21a1_w1024_q10_s.jpg)
