Vullnetarët ukrainas rrezikojnë jetën për t'i ushqyer kafshët e braktisura
Në Druzhkivka, një vendbanim rreth 70 kilometra në veri të Donjeckut, vullnetarët ukrainas po përpiqen të sigurojnë ushqim për kafshët endacake, që t'i mbijetojnë dimrit të ashpër mes granatimeve ruse. (Përgatiti: Syzanë Paçarizi)
1
Yulia, një vullnetare për shpëtimin e kafshëve, duke ushqyer qentë e pastrehë në një treg në Druzhkivka, në rajonin e Donjeckut të Ukrainës, më 16 shkurt. Pushtimi rus jo vetëm që ka shkaktuar një krizë masive humanitare; ka lënë gjithashtu qindra mijëra kafshë shtëpiake të braktisura nga pronarët që ikën për të kërkuar siguri.
2
Anëtarja e grupit për mirëqenien e kafshëve, Territori i Mirësisë, Yulia është një nga vullnetarët e shumtë që siguron ushqim për kafshët që tani jetojnë në rrugë.
3
Megjithëse qyteti nuk është në vijën e frontit, bombardimet ruse vazhdojnë të godasin Druzhkivkan, duke vrarë dhe gjymtuar jo vetëm banorët, por edhe kafshët.
4
Pavarësisht rreziqeve, vullnetarët si Yulia vazhdojnë të kujdesen për kafshët nervoze dhe të rraskapitura.