Zgjedhjet lokale: 21 komuna i zgjodhën kryetarët, 17 shkojnë në balotazh

12 tetor 2025

Valona Tela dhe
Mimoza Sadiku

• Në Kosovë u mbajtën zgjedhjet për kryetarë të komunave dhe përfaqësues të kuvendeve komunale. KQZ-ja njoftoi se pjesëmarrja në votime ishte 40 për qind.

• Të drejtë vote kishin 2 milionë e 69 mijë e 98 votues brenda Kosovës, ndërsa rreth 44 mijë votues kanë qenë të regjistruar për të votuar nga jashtë vendit.

14:01 12.10.2025

13:35 12.10.2025

Atmosfera e zgjedhjeve e kapur nga fotoreporterët tanë

Votimet nëpër Kosovë përmes fotografive

1/13 Një qytetar duke hedhur votën në kutinë e votimit në një qendër votimi në Prishtinë, pasi votoi mëngjesin e hershëm në zgjedhjet lokale, Prishtinë, 12 tetor 2025.

2/13 Kandidati i Lëvizjes Vetëvendosje për kryetar të Prishtinës, Hajrullah Çeku, shihet duke votuar në një qendër votimi në kryeqytet, në zgjedhjet lokale, Prishtinë, 12 tetor 2025.

3/13 Një zyrtare e Komisionit Qendror të Zgjedhjeve palos fletëvotimin në zgjedhjet lokale në një qendër votimi në Prishtinë, 12 tetor 2025.

4/13 Nga qendra e Mitrovicës së Veriut, qytetarët - së bashku me zyrtarë të Listës Serbe - kanë shkuar kolektivisht për të votuar.Edhe më herët ka qenë praktikë që punonjësit në institucionet e Serbisë në Kosovë, të votojnë në mënyrë kolektive.

5/13 Kandidati i Listës Serbe për kryetar të Mitrovicës së Veriut, Millan Radojeviq, shihet duke votuar në një qendër votimi në qytetin me shumicë serbe, në zgjedhjet lokale, Mitrovicë e Veriut, 12 tetor 2025.

6/13 Qytetarët në Mitrovicën e Veriut presin rendin për të votuar në një qendër votimi të vërshuar nga një numër i madh votuesish qysh në orët e hershme të mëngjesit të 12 tetorit 2025.

Zllatan Ellek, kryetari i Listës Serbe - partisë së serbëve të Kosovës që gëzon mbështetjen e Beogradit - voton në zgjedhjet lokale të Kosovës në një qendër votimi në Mitrovicën e Veriut, 12 tetor 2025.<br><br>Lista Serbe udhëhoqi Mitrovicën e Veriut dhe tri komunat e tjera me shumicë serbe në veri deri në nëntor të vitit 2022, kur përfaqësuesit e saj u larguan nga institucionet e Kosovës.<br><br>Tani, Lista Serbe synon ta kthejë pushtetin në veri të Kosovës përmes zgjedhjeve të kësaj të diele. — 7/13 Zllatan Ellek, kryetari i Listës Serbe - partisë së serbëve të Kosovës që gëzon mbështetjen e Beogradit - voton në zgjedhjet lokale të Kosovës në një qendër votimi në Mitrovicën e Veriut, 12 tetor 2025.

Lista Serbe udhëhoqi Mitrovicën e Veriut dhe tri komunat e tjera me shumicë serbe në veri deri në nëntor të vitit 2022, kur përfaqësuesit e saj u larguan nga institucionet e Kosovës.

Tani, Lista Serbe synon ta kthejë pushtetin në veri të Kosovës përmes zgjedhjeve të kësaj të diele.

8/13 Qytetarë duke votuar në zgjedhjet lokale në një qendër votimi në Mitrovicën e Veriut, 12 tetor 2025.

9/13 Një qytetare voton në zgjedhjet lokale të Kosovës në Zveçan, komunë me shumicë serbe, 12 tetor 2025.

10/13 Zyrtare të Komisionit Qendror të Zgjedhjeve shikojnë teksa presin në një qendër votimi në Prishtinë ardhjen e votuesve për ta hedhur votën e tyre në zgjedhjet lokale të Kosovës, 12 tetor 2025.

11/13 Kuti votimi në një qendër votimi të zgjedhjeve lokale të Kosovës, Prishtinë, 12 tetor 2025.

12/13 Një vulë dhe fletëvotim për zgjedhjet lokale të Kosovës në një qendër votimi në Mitrovicën e Veriut, 12 tetor 2025.

13/13 Një vendvotim hap dyert për votuesit mëngjesin e së dielës në zgjedhjet lokale të Kosovës, Prishtinë, 12 tetor 2025.

13:16 12.10.2025

Basha fton qytetarët të votojnë masivisht

Kryetari i Kuvendit të Kosovës, Dimal Basha, u bëri thirrje qytetarëve të dalin masivisht për të votuar, duke theksuar se kjo është mënyra më e drejtpërdrejtë për të ndikuar në vendimet që prekin jetën e përditshme.

“Le të jetë kjo ditë festë e demokracisë, me votime të qeta, pjesëmarrje të lartë dhe me frymë të plotë qytetarie”, shkroi Basha në Facebook.

12:46 12.10.2025

Për ju që sapo na jeni bashkuar:

Deri në orën 11:00, të drejtën e votës e kanë shfrytëzuar 7.84 për qind e qytetarëve.
Komisioni Qendror i Zgjedhjeve ka bërë të ditur se procesi po zhvillohet normalisht, pa ndonjë parregullsi që do ta rrezikonte mbarëvajtjen e tij.
Presidentja e Kosovës, Vjosa Osmani, dhe kryeministri në detyrë, Albin Kurti, u kanë bërë thirrje qytetarëve që të votojnë, pasi vetë kanë ushtruar të drejtën e tyre.
Ndërkohë, autoritetet në Serbi, përfshirë presidentin Aleksandar Vuçiq, u kanë bërë thirrje qytetarëve serbë në Kosovë që të marrin pjesë në zgjedhje.
Konferenca e radhës e Komisionit Qendror të Zgjedhjeve do të mbahet në orën 15:30, kur do të raportohen të dhëna për pjesëmarrjen deri në orën 15:00.

Shfaq më shumë