Së paku 27 persona besohet se vdiqën në Japoni pas shpërthimit të zjarrit në një ndërtesë në periferi të qytetit Osaka.
Policia japoneze është duke i hetuar shkaqet e shpërthimit të zjarrit derisa besohet se dikush mund ta ketë vënë zjarrin qëllimisht.
Sipas mediave lokale, viktimat e këtij incidenti pësuan sulm “kardio-pulmonar”, term ky që shpesh përdoret në raportet preliminare para se vdekja të konfirmohet zyrtarisht.
Pamje të shumta nga vendi i ngjarjes tregonin shumë tym derisa kati i katërt i ndërtesës u përfshi nga flakët. Ekipet e shpëtimit dolën menjëherë në vendin e ngjarjes dhe e shuan zjarrin pas pothuajse 30 minutash.
Ndërtesa në Osaka, e cila u përfshi nga zjarri, ndodhet në një zonë të ngarkuar komerciale.
Në vitin 2019, Japonia u prek nga tragjedia më e madhe që nga Lufta e Dytë Botërore. Një burrë i vuri flakën një studioje filmike në Kioto, incident në të cilin vdiqën 36 persona.