Ambasadori i Shteteve të Bashkuara në Prishtinë, Philip Kosnett,ka bërë një sqarim lidhur me deklaratë të bërë nga ai një ditë më parë, ku kritikoi Ministrinë e Drejtësisë, për lirimin e një personi nga burgu, i cili ishte dënuar për krime lufte, për rastin Kukësi.
Përmes një postimi në Twitter, ambasadori Konsnett ka treguar se në postimin e djeshëm, ai ka shkruar se Ministria e Drejtësisë ka nënshkruar lirimin e të burgosurit dhe ka sqaruar se këtë vendim e ka marrë Gjykata e Apelit dhe ka udhëzuar Ministrinë e Drejtësisë që ta lirojë të burgosurin për krime lufte.
”Sqarim: Gjykata e Apelit udhëzoi Ministrinë e Drejtësisë që të lirojë një person të dënuar me 15 vjet burgim për krime lufte për rastin Kukësi; ai ka mbajtur burgim më pas se 12 muaj në 3 vjetët e fundit. Abuzimi i vazhdueshëm nga kriminelët i sistemit për pushime mjekësore dhe dënimeve të pezulluara duhet të ndalen”, ka shkruar ambasadori Kosnett.
“Versioni origjinal i këtij postimi thoshte se Ministria e Drejtësisë ka nënshkruar lirimin (e të dënuarit). Ligji i amendamentuar për ekzekutimin e dënimeve penale ua lë në dorë vendimin gjykatësve. E vlerësoj mundësinë për të përmirësuar atë që kemi shkruar”, thuhet në reagimin e ambasadorit Kosnett.
The original version of this tweet said the Justice Ministry signed off on the release. The amended Law on Execution of Penal Sanctions puts this decision in the hands of individual judges. Appreciate the opportunity to correct the record.
— Ambassador Philip S. Kosnett (@USAmbKosovo) June 22, 2019
Të premten, Kosnett kishte kritikuar Ministrinë e Drejtësisë, lidhur me lirimin e një të dënuari për krime lufte.
Më pas, ministri i Drejtësisë në Qeverinë e Kosovës, Abelard Tahiri, i ishte përgjigjur kritikave të ambasadorit amerikan, duke thënë se ministria që ai drejton "nuk ka asnjë kompetencë ligjore për të liruar nga vuajtja e dënimit" asnjë person.