Presidenti amerikan, Donald Trump, është kthyer në Washington, pas turneut nëntëditor në Lindjen e Mesme dhe në Evropë, derisa mediet kanë raportuar se ai po e shqyrton mundësinë e ndryshimeve madhore në Shtëpinë e Bardhë.
Në takimin e sotëm të NATO-s në Bruksel do të marrë pjesë edhe kryeministri i Malit të Zi, Dushko Markoviq. Mali i Zi, nga fillimi i muajit të ardhshëm, do të jetë edhe zyrtarisht anëtar i Aleancës veri-atlantike, çfarë paraqet një hap të madh të tij drejt integrimit me Perëndimin.
Presidenti i Shteteve të Bashkuara, Donald Trump, në kuadër të udhëtimit të parë jashtë vendit, ka arritur në Izrael. Trump do të bisedojë edhe me liderët izraelitë, edhe ata palestinezë për, siç është thënë, bisedime që synojnë arritjen e paqes midis dy popujve.
Zyrtarët ushtarakë të Irakut thonë se territori nën kontroll të grupit ekstremist, Shteti Islamik (IS), në pjesën perëndimore të Mosulit, është reduktuar në tetë kilometra katrorë.
Pentagoni ka ndryshuar fokusin në betejën kundër grupit militant, Shteti Islamik, dhe tani po synon që të “asgjësojë” luftëtarët e huaj të grupit.
Departamenti amerikan i Drejtësisë, i përballur me presione nga Kongresi, emëroi një këshilltar të posaçëm për të hetuar ndërhyrjen e dyshuar të Rusisë në zgjedhjet presidenciale në SHBA më 2016 dhe marrëveshjet e mundshme midis bashkëpunëtorëve të presidentit Donald Trump dhe Moskës.
Presidenti i Shteteve të Bashkuara, Donald Trump, ka ndarë informacione të klasifikuara për të ashtuquajturin Shtet Islamik, gjatë një takimi me zyrtarë të lartë rusë, raportojnë mediat.
Sipas zyrtarëve të Koresë së Jugut dhe Japonisë, raketa balistike e lëshuar nga Koreja e Veriut fluturoi mbi 700 kilometra për një orë e gjysmë dhe arriti në lartësi prej 2 mijë kilometrash, për të arritur në Detin e Japonisë.
Qeveria britanike thotë se nuk e di ende se kush qëndron pas sulmit masiv kibernetik të 12 majit, i cili ndërpreu shërbimet e kujdesit shëndetësor të Britanisë, dhe kishte për cak sistemet kompjuterike jetike të 100 shteteve tjera.
Disa ditë para se të shkarkohej nga presidenti Donald Trump, drejtori i FBI-së, James Comey, ka kërkuar më shumë fonde për të hetuar ndërhyrjen e dyshuar të Rusisë në zgjedhjet presidenciale në SHBA, më 2016. Sipas demokratëve, Trump ka bërë përpjekje të minojë hetimet që mund të kërcënojnë presidencën e tij. Shtëpia e Bardhë e mohon këtë.
Një nënkomision i Senatit të Shteteve të Bashkuara mbajti një seancë dëgjimore për të hetuar shkallën e lidhjeve midis bashkëpunëtorëve të presidentit Donald Trump dhe zyrtarëve rusë. Fokus kryesor i seancës ishte këshilltari i parë i Trumpit për siguri kombëtare, Michael Flynn, i cili është detyruar të japë dorëheqje, për shkak të kontakteve me zyrtarët rusë.
Shfaq më shumë
