Zijadin Gashi

6 shtator 2010

Modifikimi i rezolutës dhe veriu

Opozita në Prishtinë thotë se modifikimi i projektrezolutës serbe për Kosovën mund të pasojë kushtëzimet e Beogradit për të hapur çështjen e veriut.

5 shtator 2010

Mesha e Shenjtë në Katedralen “Nëna Terezë”

Në Katedralen “Nëna Terezë”, në Prishtinë, u mbajt mesha e parë, e cila u drejtua nga i dërguari i Papës, arqipeshkvi i Tivarit, Zef Gashi. Të pranishëm në këtë meshë ishin edhe personalitete të shumta të jetës publike, përfshirë edhe imamin e Bashkësisë Islame të Kosovës, Naim Tërnava, dhe kryetarin i Kuvendit, Jakup Krasniqi.

3 shtator 2010

Vota për rezolutën, votë kundër GJND-së

Prishtina zyrtare beson se rezoluta e Serbisë nuk do të përkrahet nga vendet e rajonit, ato që e kanë njohur Kosovën e pavarur, si dhe shumica e vendeve anëtare të Kombeve të Bashkuara. Këtë bindje Prishtina e mbështet në aktivitetin e zhvilluar diplomatik, si dhe në mendimin e GJND-së, duke besuar se vota për rezolutën serbe do të nënkuptonte votë kundër Gjykatës Ndërkombëtare të Drejtësisë.

2 shtator 2010

Një histori e papërsëritshme

Kuvendi i Kosovës mbajti seancë solemne për nder të figurës dhe veprës së humanistes së madhe, Nënës Terezë, në 100-vjetorin e lindjes. Me këtë rast, kryetari i Kuvendit të Kosovës, Jakup Krasniqi, tha se “Populli shqiptar ndjehet i privilegjuar dhe krenar për bijën e tij humaniste të këtyre përmasave, që ishte gruaja më e madhërishme e botës së shekullit XX”.

31 gusht 2010

S'ka anashkalim të Pakos Ahtisari

Rekomandimet e Grupit Ndërkombëtar të Krizave për autonominë e veriut, burimin e kanë tek intervistat me zyrtarët e Qeverisë së Kosovës, thanë udhëheqës të Aleancës për Ardhmërinë e Kosovës. Ndërkohë, kryetari i Kuvendit, Jakup Krasniqi, e përjashtoi mundësinë e anashkalimit të Pakos së Ahtisarit në përpjekje të gjetjes së zgjidhjes për veriun.

30 gusht 2010

Ka kaluar koha e kompromiseve

Autoritetet në Prishtinë thonë se paralajmërimet e presidentit serb, Boris Tadiq, për gatishmërinë e tij rreth disa kompromiseve në raport me Kosovën, nuk e ndryshojnë pozicionin e Serbisë dhe e ftojnë Tadiqin që ta njohë mendimin e GJND-së dhe të shprehë gatishmërinë për relaksimin e marrëdhënieve ndërshtetërore me Republikën e Kosovës.

Guido Vestervelle, Fatmir Sejdiu dhe Hashim Thaçi

27 gusht 2010

Njohja e Kosovës, mesazh për BE-në

“Pavarësia dhe integriteti i shtetit të Kosovës janë një realitet”, tha në Prishtinë ministri Jashtëm i Gjermanisë, Guido Vestervelle. Ai u bëri thirrje pesë vendeve anëtare të BE-së që nuk e kanë njohur Kosovën, që ta bëjnë një gjë të tillë. Ndërkaq, konfirmoi se nuk ka arritur pajtueshmëri me autoritetet në Beograd lidhur me rezolutën që ky vend mëton ta procedojë në Asamblenë e Përgjithshme të Kombeve të Bashkuara.

26 gusht 2010

Mendimin e GJND-së nuk e zbehin rezolutat

Mendimi i Gjykatës Ndërkombëtare të Drejtësisë është më i fuqishëm sesa çdo rezolutë e Serbisë për statusin e Kosovës, ka deklaruar kryetari i Kuvendit të Kosovës, Jakup Krasniqi. Ai ka thënë se pret që Asambleja e Përgjithshme e Kombeve të Bashkuara të reflektojë mendimin e GJND-së. Ndërkaq, analistët vazhdojnë t’i kritikojnë institucionet për mungesë të përgatitjeve për fazën pas GJND-së.

25 gusht 2010

“Online 24 orë” me Kuintin

Një aktivitet 24 orësh diplomatik po zhvillohet ndërmjet Kosovës dhe vendeve të kuintit, për ta bllokuar miratimin e rezolutës së Serbisë në Asamblenë e Përgjithshme të Kombeve të Bashkuara, tha sot ministri i Jashtëm, Skënder Hyseni. Para sesionit të radhës në Nju-Jork, liderët kosovarë presin shtimin e njohjeve, të paralajmëruara për pjesën e parë të muajit shtator.

24 gusht 2010

Mbështesin Isa Mustafën

Partitë opozitare në Kosovë mbështesin deklaratat e kryetarit të Prishtinës, Isa Mustafa, i cili kërkoi ndërprerjen e koalicionit aktual PDK-LDK. Me gjithë përkrahjen, opozita beson se Mustafa nuk e ka mbështetjen e nevojshme as në LDK që të bëjë ndryshime, kështu që fton edhe qytetarët që t’i mbështesin kërkesat dhe idetë për zgjedhje të parakohshme parlamentare.

23 gusht 2010

LDK: Për dhe kundër koalicionit me PDK-në

Kryetari i Prishtinës, Isa Mustafa, njëherësh anëtar i Këshillit të Përgjithshëm të LDK-së, kërkoi sërish prishjen e koalicionit PDK-LDK. Ai tha se për Kosovën është humbje kohe çdo minutë e vazhdimit të punës së këtij koalicioni. Ndërkohë, zëvendëskryeministri Ramë Manaj, po ashtu nga LDK-ja, tha se këto janë pikëpamje personale të Isa Mustafës dhe se koalicioni do të vazhdojë deri në fund të mandatit.

21 gusht 2010

"Beteja” para Asamblesë së Përgjithshme

Analistët në Prishtinë tërheqin vërejtjen se miratimi eventual i rezolutës së Serbisë në Asamblenë e Përgjithshme të Kombeve të Bashkuara do të minimizonte rolin pozitiv që pati mendimi i Gjykatës Ndërkombëtare të Drejtësisë për Kosovën. Por, një mundësi e tillë hidhet poshtë nga zyrtarët e Qeverisë, të cilët thonë se nëse do të ketë rezolutë, ajo do të jetë në favor të Kosovës dhe në harmoni me mendimin e GJND-së.

20 gusht 2010

Vazhdojnë polemikat...

Në Prishtinë vazhdojnë debatet në lidhje me informacionet e lansuara nga partia opozitare AAK, për, siç thuhet, bisedimet e fshehta të zyrtarëve të Qeverisë së Kosovës me ata të Serbisë. Këto debate, analistët i vlerësojnë edhe si një përpjekje të opozitës për t’u dëshmuar si alternativë për qeverisjen e ardhshme në Kosovë.

19 gusht 2010

Vendimi për pezullim, ende në fuqi

Autoritetet në Prishtinë nuk i kanë dhënë leje ministrit të Serbisë për Kosovën, Goran Bogdanoviq, që të vizitojë Kosovën. Me një vendim të kryeministrit Hashim Thaçi janë suspenduar të gjitha vizitat zyrtare të përfaqësuesve të Serbisë, deri në marrjen e një vendimi tjetër. Vendimi nuk ka të bëjë edhe me vizitat private të zyrtarëve nga Serbia.

18 gusht 2010

Provokimet nga veriu

Çdo paralajmërim për pavarësi apo shkëputje të pjesës veriore nga Kosova, për autoritetet në Prishtinë cilësohet si provokim dhe kërcënim. Ndonëse autorët apo subjektet politike të një deklarate të publikuar të martën që fliste për pavarësinë e veriut nuk kanë dalë para opinionit, ajo nga Prishtina zyrtare është marrë me seriozitet dhe janë paralajmëruar reagime varësisht gjendjes në këtë pjesë të Kosovës.

17 gusht 2010

Opozita kërkon lobim diplomatik

Pas Gjykatës Ndërkombëtare të Drejtësisë, beteja diplomatike ndërmjet Kosovës dhe Serbisë është transferuar në Asamblenë e Përgjithshme të Kombeve të Bashkuara. Ndërsa presidenti dhe kryeministri i Kosovës u kanë drejtuar letra të gjitha vendeve anëtare të OKB-së për njohje të reja dhe refuzim të rezolutës së Serbisë, opozita në Prishtinë kritikon këtë qasje, duke kërkuar që në vend të letrave, të ketë aktivitet e lobim diplomatik.

16 gusht 2010

Shqetësime për heqjen e shtesave

Vendimi i Gjykatës Kushtetuese të Serbisë për heqjen e pagave të dyfishta për serbët e Kosovës, ngjalli pakënaqësi te komuniteti serb në Kosovë. Ata thonë se një vendim i tillë nuk i shkon për shtati politikës serbe për ruajtjen e Kosovës dhe do të ndihmojë largimin e kuadrove dhe qytetarëve të këtij komuniteti nga Kosova.

15 gusht 2010

Sfidat e Planit të Ahtisarit në veri

Përfaqësuesit e serbëve nga pjesa veriore e Kosovës, kundërshtojnë deklaratat e kryeministrit të Kosovës, Hashim Thaçi, se dokumentet e vetme valide për zgjidhjen e problemit të veriut janë Pakoja e Ahtisarit dhe Kushtetuta e Kosovës. Ata thonë se njohin vetëm Rezolutën 12 44, ligjet dhe institucionet e Serbisë, por jo edhe ato të Republikës së Kosovës.