Zijadin Gashi

AAK insiston: Ka bisedime të fshehta

Ndonëse sërish nuk ofron detaje, Aleanca për Ardhmërinë e Kosovës vazhdon ta akuzojë Qeverinë se po bisedon fshehtë me Qeverinë e Serbisë. Pas cilësimit të këtyre deklaratave si qesharake nga ana e kryeministrit të Kosovës, Hashim Thaçi, në emër të Qeverisë së Serbisë, edhe zyrtari i saj, Oliver Ivanoviq, deklaron se nuk ka dhe nuk do të ketë bisedime të fshehta.

(S')ka bisedime të fshehta me Serbinë

Kryeministri Thaçi i quajti qesharake deklaratat e zyrtarëve të AAK-së se Qeveria e Kosovës po zhvillon bisedime me Serbinë.

Diplomaci e çastit?

Opozita në Prishtinë kritikon Qeverinë dhe diplomacinë kosovare për mungesë strategjie pas opinionit të GJND-së.

Qeveria nuk po e shfrytëzon opinionin e GJND-së

Mendimi pozitiv i Gjykatës Ndërkombëtare të Drejtësisë do të sjellë si rezultat njohjet e para qysh javën e ardhshme, paralajmërojnë përfaqësuesit e Qeverisë në Prishtinë. Në anën tjetër, opozita kritikon Qeverinë se nuk po e menaxhon si duhet fitoren në GJND për shtimin e numrit të njohjeve.

Forcimi i strukturave paralele

Udhëheqësit e strukturave paralele serbe në veri të Kosovës thonë se ata janë përfaqësuesit legjitimë të komunitetit serb.

Kush vendos për pavarësinë e mbikëqyrur?

Kosova ka ende fusha, të cilat duhet t’i përmbushë në kuadër të zbatimit të Planit të Ahtisarit, thuhet në qëndrimet e Zyrës Civile Ndërkombëtare pas deklaratave të kryeministrit Hashim Thaçi, se pavarësisë së mbikëqyrur po i vjen fundi. ICO-ja i rikujton Qeverisë së Kosovës se vlerësimin për të arriturat në Kosovë do ta bëjë Grupi Drejtues Ndërkombëtar, ku bëjnë pjesë SHBA-të,vendet e BE-së që e kanë njohur Kosovën dhe Turqia.

Fundi apo vazhdimi i mbikëqyrjes?

Kosova po hyn suksesshëm nga faza e pavarësisë së mbikëqyrur, në atë të pavarësisë së plotë, ka thënë kryeministri Hashim Thaçi. Ky konstatim i tij, është hedhur poshtë nga opozita, e cila vlerëson se Kosova, me gjithë përparimet e arritura, ende nuk e ka atë shkallë të zhvillimit që i garanton asaj kalimin në fazën e pavarësisë së plotë dhe të pambikëqyrur ndërkombëtare.

Zëvendësimi i 12 44-shit, mision jo i lehtë

Pavarësimi i Kosovës dhe mendimi pozitiv i GJND-së, do të shtyjë përpara zëvendësimin e Rezolutës 12 44, thonë zyrtarët në Prishtinë. Ndonëse e pranojnë se ky do të jetë një proces jo i lehtë, në Qeverinë e Kosovës mbështetet kërkesa e ministrit Hyseni që përmes Këshillit të Sigurimit të OKB-së, të inicohet zëvendësimi i kësaj rezolute.

Prishtina, skeptike për bisedimet

Zyrtarët në Prishtinë shprehen mjaft skeptik për rezultatin që mund të sjellin bisedimet e paralajmëruara teknike Kosovë – Serbi. Këto dyshime ata i mbështesin në pozicionin e ashpër që mban Beogradi karshi shtetit të Kosovës. Madje, në Prishtinë dyshohet se këto bisedime mund të nisin brenda ndonjë afati të shkurtë kohor.

Polemika Kuçi – Ivanoviq për veriun

Qeveria dhe institucionet e Kosovës e kanë obligim kushtetues të shtrijnë sundimin e rendit dhe ligjit në veri të vendit, tha gjatë një debati në Çagllavicë, zëvendëskryeministri Hajredin Kuçi. Fjalimi i tij u kundërshtua nga sekretari shtetëror në Ministrinë për Kosovën në Qeverinë e Serbisë, Oliver Ivanoviq, i cili tha se serbët kurrë nuk do ta njohin Kosovën e pavarur.

Jo statusit special për veriun

Hyseni: GJND të rikonfirmojë pavarësinë

Institucionet e Kosovës presin që mendimi këshillëdhënës i Gjykatës Ndërkombëtare të Drejtësisë, i paralajmëruar të shpallet më 22 korrik, të jetë në favor të Kosovës. Ministri i Punëve të Jashtme, Skënder Hyseni tha se pret që GJND-ja të rikonfirmojë të drejtën e Kosovës për liri e pavarësi, ndërkaq deklarimi në favor të Serbisë, sipas Hysenit, do të ishte kundër lirisë së një populli.

Prishtina: Ndryshimi i kufijve, ide e rrezikshme

Sejdiu akuzon forcat ekstremiste serbe për dhunë

“Ende veprojnë forca krimi që vazhdojnë ta pengojnë suksesin e Kosovës, duke nxitur e duke krijuar skena dhune e terrori në pjesë të caktuara të vendit, veçmas në veri të Mitrovicës", ka thënë presidenti i Kosovës, Fatmir Sejdiu.

Rexhepi: Deklaratë e frustruar e Tadiqit

Presidenti i Serbisë po bën deklarata të frustruara, thotë ministri i Brendshëm i Kosovës, Bajram Rexhepi. Ai sqaron se Qeveria dhe EULEX-i janë marrë vesh që në veri të themelojnë një njësi speciale shumetnike, e cila do t'i luftonte aktivitetet kriminale, kurse dërgimi i njësive të Policisë Speciale të Kosovës në veri, për çka kishte reaguar Tadiq, sipas Rexhepit, vjen në shprehje vetëm gjatë ndonjë operacioni të rrezikut të lartë

Bler: Pavarësia e Kosovës, vendim i drejtë

Pavarësia e Kosovës ishte vendim i drejtë dhe ajo duhet të vazhdojë, tha në ditën e dytë të vizitës së tij në Prishtinë, ish-kryeministri britanik, Toni Bler. Derisa siguroi kosovarët se Evropa do ta ndihmojë integrimin e këtij shteti në Bashkimin Evropian, Bler u kërkoi atyre që të vendosin sundimin e rendit dhe ligjit dhe ta luftojnë korrupsionin, nëse duan ta hapin derën e BE-së.

Bler: Kosova të jetë shtet i suksesshëm

Pas pavarësisë, sfidat e Kosovës janë ndërtimi i institucioneve demokratike dhe perspektiva evropiane, tha në Prishtinë, ish-kryeministri i Britanisë së Madhe, Toni Bler. Këto komente, Bler i bëri pas takimit me kryeministrin e Kosovës, Hashim Thaçi.

Prishtina: Serbia doli humbëse

Autoritetet në Prishtinë e vlerësuan të suksesshme për Kosovën seancën e jashtëzakonshme të thirrur nga Serbia në Këshillin e Sigurimit, ku u debatuan zhvillimet e fundit në Mitrovicë. Përfaqësuesit kosovar thanë se Beogradi dështoi ta prezantojë Kosovën si një vend jo stabil dhe se argumentet e Prishtinës, sipas tyre, vërtetuan se prapa tensioneve atje qëndron pikërisht shteti serb.

Rompei mbështet fuqishëm EULEX-in

“Sundimi i ligjit është një nga vlerat e përcaktuara të Bashkimit Evropian dhe një nga prioritetet tona më të rëndësishme këtu në Kosovë”, ka thënë të martën në Prishtinë, presidenti i Bashkimit Evropian, Herman von Rompei. Pas takimeve që ka zhvilluar me udhëheqësit më të lartë të Kosovës dhe ata të misionit të BE-së, presidenti Rompei ka thënë se aktivitetet e misionit të EULEX-it pasqyrojnë angazhimin e fuqishëm të BE-së në luftën kundër krimit të organizuar dhe korrupsionit.

Dënohet sulmi ndaj deputetit Miletiq

Autoritetet kosovare kanë dënuar ashpër plagosjen e deputetit Petar Miletiq, nënkryetar i Partisë së Pavarur Liberale Serbe. Deputeti Miletiq është plagosur mëngjesin e së hënës në veri të Mitrovicës, teksa po dilte nga banesa e tij.