Zijadin Gashi

Prodhuar nga Zijadin Gashi

• 4 korrik 2010

  Beteja për njohje edhe pas GJND-së

  Gjykata Ndërkombëtare e Drejtësisë mund të japë një mendim neutral në lidhje me kërkesën për interpretimin e shpalljes së pavarësisë së Kosovës, kanë vlerësuar profesorë të së Drejtës Ndërkombëtare gjatë një konference lidhur me strategjitë dhe politikat që duhet të ndërtojë Kosova pas GJND-së. Aty u tha se Kosova dhe Serbia do të vazhdojnë betejën politike edhe pas verdiktit që do të japë kjo Gjykatë.

• 2 korrik 2010

  Reduktimet e KFOR-it, varësisht situatës së sigurisë

  Numri i trupave të KFOR-it në Kosovë do të përcaktohet varësisht vlerësimeve të situatës politike dhe asaj të sigurisë, është thënë sot në një debat të organizuar nga Klubi për Politikë të Jashtme, me temën "Shkurtimet e KFOR-it dhe ndikimi në gjendjen në Kosovë". Komandanti i KFOR-it, Barkus Bentler, ka deklaruar se këto shkurtime nuk paraqesin ndonjë rrezik për sigurinë në Kosovë.

• 1 korrik 2010

  Zyrtarët kosovarë - jo këmbimit të territoreve

  Hashim Thaçi e Ramush Haradinaj sërish kundërshtuan idetë për ndarje të Kosovës apo shkëmbim territoresh me Serbinë.

• 29 qershor 2010

  Listë e gjatë emrash për hetime

  Kryeprokurori i EULEX-it, Johanes Van Vrejsvijk, tha se misioni i BE-së për sundim të ligjit ka një listë të gjatë me emrat e personave që po hetohen nën dyshimin për korrupsion dhe krim të organizuar. Ai tha se ka finalizuar edhe planin e veprimit.

• 28 qershor 2010

  Sejdiu: Nuk po e shkel Kushtetutën

  Presidenti Fatmir Sejdiu thotë se nuk ka dëshmi që vërtetojnë se ai po shkel Kushtetutën. Këto komente, ai i bëri si përgjigje ndaj kërkesës së 31 deputetëve për interpretim të Gjykatës Kushtetuese lidhur me mbajtjen e dy posteve nga ai.

• 26 qershor 2010

  Liderët ballkanikë mbështesin idenë e “mini-shengenit”

  Në kuadër të mini-samitit të tretë ballkanik, të mbajtur në Prevallë të Prizrenit, liderët e katër vendeve të rajonit kanë shprehur gatishmërinë e tyre për krijimin e një mini-shengeni ballkanik dhe kanë adresuar gatishmëri dhe mesazhe bashkëpunimi.

• 24 qershor 2010

  Britania mbështet tërësinë territoriale të Kosovës

  Ministri për Evropë i Britanisë së Madhe, Dejvid Lidington gjatë një vizite që po i bën Kosovës, tha se edhe qeveria e re britanike do ta mbështesë pavarësinë dhe tërësinë territoriale të Kosovës.

• 23 qershor 2010

  Pro dhe kundër deklarimeve të Feithit

  Qeveria e Kosovës i vlerëson si qëndrime personale deklarimet e Piter Feithit në PE, se hetimet ndaj zyrtarëve të lartë nën dyshimet për korrupsion, duhet përmbyllur para zgjedhjeve të ardhshme. Por, opozita dhe analistët i përkrahin ato.

• 22 qershor 2010

  Haradinaj: Tryezë nacionale për bisedimet me Serbinë

  Lideri i AAK-së, Ramush Haradinaj, ftoi spektrin politik të Kosovës të ulet në një tryezë kombëtare, për të përcaktuar platformën e bisedimeve me Serbinë. Por, Prishtina zyrtare tha se është e përgatitur.

• 21 qershor 2010

  Prishtina me ‘vijat e kuqe’ në bisedimet

  Përfaqësues të opozitës dhe analistët inkurajojnë Qeverinë dhe institucionet tjera që ta përcaktojnë qartë pozicionin e Kosovës në bisedimet me Serbinë. Duke i përcaktuar si “vija të kuqe”, ata thonë se nuk duhet pranuar bisedime për statusin.

• 19 qershor 2010

  Ambasadat (jo) funksionale

  Për dy vjet, ambasadat e Kosovës funksionojnë nëpër zyra me qira. Zyrtarë të Ministrisë së Ekonomisë dhe Financave inkurajojnë Ministrinë e Jashtme që t’i shikojë mundësitë e blerjes së ndërtesave, ku do të vendoseshin shërbimet diplomatike të Kosovës.

• 18 qershor 2010

  Vizat liberalizohen më 2011(?)

  Kosova do t’i plotësojë të gjitha kushtet teknike që më 2011 të përfshihet në liberalizimin e vizave, tha ministri i Brendshëm, Bajram Rexhepi. Ai shprehu besim se raporti i radhës i progresit, do të jetë më pozitiv sesa ai paraprak.

• 17 qershor 2010

  Pa platformë për bisedimet

  Pozicioni i Kosovës në bisedimet teknike me Serbinë, do të bazohet në Kushtetutën e saj, si shtet i pavarur, thonë zyrtarë të Qeverisë së Kosovës. Opozita ndërkaq, kritikon Qeverinë për mungesë platforme për këto bisedime.

• 15 qershor 2010

  Dy vjet, pak për zbatimin e Kushtetutës

  Deputetët e Kuvendit të Kosovës nuk janë të kënaqur me shkallën e zbatimit të Kushtetutës. Kryetari i Kuvendit, Jakup Krasniqi, thotë se shtrirja e kushtetutshmërisë në veri, kërkon koordinim me ndërkombëtarët.

• 14 qershor 2010

  Samiti i mesazheve pro-euroatlantike

  Presidenti Fatmir Sejdiu do të jetë mikpritës i presidentëve nga Maqedonia, Shqipëria e Mali i Zi në samitin e tretë rajonal, që kësaj radhe do të mbahet më 26 dhe 27 qershor në Prizren. Nga Presidenca e Kosovës konfirmohet pjesëmarrja e të ftuarve. Kurse, si përfundim, pritet që presidentët e vendeve fqinje të riafirmojnë bashkëpunimin dhe konfirmojnë zotimet e tyre rreth perspektivës evropiane të rajonit.

• 13 qershor 2010

  “Vetëvendosje” paralajmëron protesta për lirimin e Kurtit

  Lëvizja Vetëvendosje e ka cilësuar arrestimin e liderit të saj, Albin Kurti, si shprehje e frikës së pushtetit aktual në Kosovë, pas vendimit që kjo lëvizje të marrë pjesë në zgjedhjet e ardhshme. Duke e cilësuar si proces të montuar politik, "Vetëvendosje" ka thirrur protestë për lirimin e Kurtit në ditën e fillimit të gjykimit ndaj tij.

• 11 qershor 2010

  Kosova e pavarur e stabile, interes për SHBA-të

  “Shtetet e Bashkuara janë të përkushtuara për prosperitetin dhe paqen e Kosovës së pavarur, si një shtet që do të jetë shtëpi e të gjitha komuniteteve dhe që do të jetojë në paqe me të gjitha vendet fqinje”, tha në Prishtinë, ndihmëssekretari i Shtetit për çështjet e zbatimit të Ligjit për narkotikë në nivel ndërkombëtar, Dejvid Xhonson. Gjatë kësaj vizite, ai u prit nga zyrtarë të Qeverisë së Kosovës.

• 10 qershor 2010

  Pavarësisë së mbikëqyrur po i vjen fundi (?)

  Kryeministri i Kosovës, Hashim Thaçi, tha në një fjalim para Parlamentit, se pavarësisë së mbikëqyrur të Kosovës, po i vjen fundi. Sipas Thaçit, Kosova ka kapacitete të plota t’i zbatojë standardet e nevojshme për t’u integruar në Bashkimin Evropian dhe në NATO. Ndërkaq, deputetë opozitarë vlerësuan se deklarata të tilla nuk kanë të bëjnë me realitetin ekzistues.

• 9 qershor 2010

  Kosova e Serbia të vendosin vetë për bisedimet

  Pas përfundimit të procesit në Gjykatën Ndërkombëtare të Drejtësisë, Kosova dhe Serbia duhet ta caktojnë vetë agjendën e bisedimeve teknike, tha në Prishtinë, ministri i Jashtëm i Sllovenisë, Samuel Zhbogar.

• 8 qershor 2010

  Thirrje për drejtësi të papolitizuar

  Udhëheqësit e institucioneve të Kosovës u kanë bërë sërish thirrje organeve të drejtësisë që të vazhdojnë punën, pa ndërhyrje dhe presione politike, kur bëhet fjalë për hetimet mbi korrupsionin. Opozita, ndërkaq, akuzon Qeverinë se, "po dirigjon me krimin e organizuar dhe korrupsionin".

Shfaq më shumë