Ndihmës sekretari amerikan i shtetit, Daniel Frid ka thënë sot në Bruksel, se ka ardhur koha që të zgjidhet statusi i Kosovës. Mëtutje ai është shprehur se rasti i Kosovës nuk paraqet precedent për asnjë situatë tjetër. Këto komente ai i bëri pas takimit të ministrave të jashtëm të vendeve nënshkruese të Kartës së Adriatikut, që përfshinë Shqipërinë, Kroacinë dhe Maqedoninë.
