John Negroponte do të jetë drejtor i shërbimit të zbulimit kombëtar të Shteteve të Bashkuara të Amerikës. Emërimi u bë sot nga presidenti amerikan George Bush, i cili tha se Negroponte do të ketë të drejtën e koordinimit të punës dhe caktimin e buxhetit për të gjitha agjencitë amerikane të zbulimit. Aktualisht Negroponte është ambasador në Irak, ndërsa më heret ishte ambasador në Kombet e Bashkuara.
