Nga shpërthimi i një makine bombë në qytetin Mosul janë vrarë tre pjesëtarë të Gardës kombëtare të Irakut, ndërsa pesë pjesëtarë të tjerë dhe tre civilë janë plagosur, raportojnë agjencitë e lajmeve. Më herët kryengritësit me predha mortajash kanë shtënë në drejtim të Akademisë policore në lindje të Bagdadit, por nuk ka pasur raporte për viktima ose dëme eventuale.
