Shtetet e Bashkuara sot formalisht u rianëtarësuan në organizatën e Kombeve të Bashkuara për arsim, shkencë e kulturë, UNESKO. Në vitin 1984, nën administratën e presidentit të atëhershëm amerikan Ronald Reagan, Shtetet e Bashkuara, që ishin ndër vendet themeluese të kësaj organizate, u tërhoqën nga UNESKO-ja në shenjë protesti për, siç ishte thënë, "keqpërdorime financiare dhe për qëndrim anti - amerikan në disa sfera të politikës së saj.
