Anëtari i kabinetit qeveritar palestinez, Saeb Erakat ka thënë sot se "depërtimi i Izraelit në Rripin e Gazës sot dhe dje duket se paraqet ripushtim të këtij territori". Ai mëtutje ka shtuar se "Ne gjykojmë me fjalët më të ashpra depërtimin e Izraelit në kampin e refugjatëve në Rafah që deri tash shkaktoi vrasjen e 8 palestinezëve, plagosjen e afro 77 personave dhe shkatërrimin e dhjetëra shtëpive. Ne besojmë se këto janë krime që po i bën Izraeli". Armata e Izraelit ka thënë se depërtimi ka për qëllim zbulimin e tuneleve të fshehta që shërbejnë për kontrabandimin e armëve përgjatë kufirit. Një burim ushtarak i ka thënë agjencisë FP se sot në mëngjes është gjetur edhe tuneli i tretë nëntoksor, që ishte i gjatë më se 30 metra e që pëfundonte në një shtëpi në kampin e refugjatëve në Rafah.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
