Nga sulmet e sotme të kryengritësve u vranë katër ushtarë të koalicionit dhe u plagosën afro 25 të tjerë, përfshirë këtu edhe 5 amerikanë, ka bërë të ditur sot gjenerali polak, Andrzej Tyszkiewicz, nga forca shumëkombëshe përgjegjëse për siguri në Qerbela dhe rreth saj. Gjenerali Tyszkiewicz nuk dha informacione lidhur me kombësinë e ushtarëve të vrarë të koalicionit. Ai ka thënë se, në tri sulme të kordinuara në Qerbela, në jug të Irakut, kryengritësit kishin përdorë katër makina – bomba, granata-hedhës dhe pushkë.
