Kombet e Bashkuara njoftojnë se dhjetra mijëra afganas janë drejtuar kah kufinjve me Pakistanin, në përpjekje për t’u larguar nga vendi, për shkak të drojës së një shpagimi të mundshëm ushtarak nga ana e Shteteve të Bashkuara të Amerikës. Sipas burimeve të UNHCR-së, vetëm nga qyteti Kandahar janë larguar 100 mijë banorë. Pakistani ka 2 mijë e 500 kilometra kufi me Afganistanin dhe strehon në kampet në brendësi të vendit, mbi 1 milion refugjatë afganas.
