Tre persona janë vrarë dhe pesë të tjerë janë lënduar të hënën, kur një tren goditi aksidentalisht një veturë civile në stacionin e trenit të fshatit Gërlicë të Ferizajt – bëri të ditur sot një zëdhënës i forcës paqeruajtëse në Kosovë. “Ushtarët e KFOR-it i dërguan me helikopter të plagosurit në spitalin e Ferizajt e më pas në spitalin e Prishtinës për ndërhyrje kirugjikale", - informojnë të njëjtat burime.
