Ministri i jashtëm i Gjermanisë, Joshka Fisher, viziton sot Pragën megjithë klimën kontroverse që nxitën komentet e kryeministrit çek, Millosh Zeman, i cili e krahasoi liderin palestinez Jaser Arafat me Adolf Hitlerin. Deklara është kritikuar nga presidenti Vacllav Havel i cili e quajti “emotive dhe sempliciste” si dhe nga zyrtarë të Bashkimit Europian, të cilët thanë se “komenti nuk është diçka që ata do të pëlqenin të dëgjonin nga drejtuesi i një vendi që pret t’i bashkohet BE-së”.
