Bejrut: Rice mbështet koalicionin qeverisës

Sekretarja amerikane e Shtetit Condolezza Rice filloi një vizitë të papritur në Liban.

Rice tha se dëshiron të shprehë mbështetjen amerikane për demokracinë libaneze, e cila shënoi së fundi një sukses të rëndësishëm. Pas 18 muajsh krize politike forcat politike arritën një marrëveshje për ndarjen e psuhtetit dhe zgjodhën presidentitn e vendit.

Rice u takua me presidentin Michel Suleiman dhe do takohet me kandidatin për kryeministër, Fuad Siniora.

Vizita e Rice erdhi në kohën kur vazhdojnë mosmarrëveshjet mes koalicionit qeverisës që ka mbështetjen amerikane dhe opozitës së drejtuar nga Hezbullahu. Ky i fundit është cilësuar si organizatë terroriste nga Uashingtoni.

Rice arriti në Bejrut pas vizitës në Izrael dhe në Bregun Perëndimor, ku theksoi se ndërtimi i kolonive hebreje dëmton bisedimet për paqe mes izraelitëve dhe palestinezëve.