Hamasi liron zyrtarin e Fatahut

Grupi radikal Hamas ka liruar përfaqësuesin kryesor të lëvizjes Fatah në Rripin e Gazës.

Ky i fundit kontrollohet nga Hamasi, kurse Bregu Perëndimor nga lëvizja Fatah e presidentit palestinez, Mahmud Abbas.

Grupet rivale kanë zhvilluar përleshje të armatosura gjatë ditëve të fundit.

Lirimin e Zakaria al Aghas Hamasi e cilësoi si "veprim të vullnetit të mirë në përgjigje të kërkesave të ardhura nga vendet arabe".