Gjykata në Mitrovicë do të nisë punën me trajtimin e rastit të parë nga e premtja, kanë konfirmuar sot zyrtarët e UNMIK-ut. Dy gjykatës dhe dy prokurorë ndërkombëtarë do të nisin punën në këtë gjykatë, e cila që nga 17 marsi ishte mbyllur.
Zëvendësshefi i UNMIK-ut, David Harland, tha sot gjatë një konference të përbashkët me kryetarin e Komunës së Mitrovicës, Bajram Rexhepi, dhe përfaqësuesen serbe, Rada Trajkoviq, të mbajtur në Çagllavicë, se kthimi i rendit në gjykatat në veri të Kosovës, parashihet të zhvillohet në disa faza.
“Në dhjetor ne do të fillojmë me fazën e dytë, kur do të sjellim në Mitrovicë gjykatës e prokurorë kosovarë, si nga radhët e shqiptarëve, ashtu edhe të serbëve”, tha Harland.
Ai shpresonte se deri në fund të vitit, gjykatat në veri do të jenë plotësisht funksionale.
Ndërkohë, kryetari i Komunës së Mitrovicës, Bajram Rexhepi, tha se pavarësia e Kosovës nuk ka zgjidhur asnjërin nga skenarët e këqij për këtë qytet, që nisnin nga ndarja, trazirat dhe dhuna.
Rexhepi tha se përkundër shumë problemeve në këtë pjesë të Kosovës, udhëheqësia në Mitrovicë ishte treguar e përmbajtur dhe në vazhdimësi e ka ftuar edhe komunitetin serb që të integrohet dhe të përfillë zbatimin e rendit ligjor, për t’u shmangur nga skenarët e Beogradit.
Në vazhdim, Rexhepi tha se edhe administrata e UNMIK-ut ishte e paaftë që të përballet me zgjidhjen e problemeve. Rexhepi tha se gjendja, megjithatë, nuk është e pariparueshme dhe se integrimi i qytetit mund të ndodhë nëse ka politika efikase nga autoritetet vendore e ndërkombëtare.
“Në veri, hapat afatshkurtër do të duhej të përcillnin rastin pozitiv të hapjes së gjyqit. Por, nuk duhet harruar që çështja e gjyqit është pjesë e pakos së problemeve, ku përfshihet policia dhe çështja e doganave, të cilat duhet të adresohen tani nëse synohet një sukses më i plotë”, tha Rexhepi.
Ndërkohë, përfaqësuesja serbe në këtë konferencë, Rada Trajkoviq, tha se shumë çështje që kanë të bëjnë me komunitetin serb, përfshirë edhe gjykatat, kërkojnë edhe përfshirjen e Beogradit, në mënyrë që funksionimi i institucioneve të akceptohet edhe nga serbët.
“Mendoj se është e nevojshme një marrëveshje dhe janë të nevojshme konsultimet dhe bashkëpunimi ndërmjet Prishtinës e Beogradit”, tha Rada Trajkoviq, duke kërkuar që zgjidhja e problemeve të bëhet mbi baza reale.
Ajo tha se nuk pajtohet me veprimet e serbëve në veri, si djegia e doganave, kontrabanda e tjera, pavarësisht se nuk e përkrahte pavarësinë e Kosovës.
Ndërkaq, Bajram Rexhepi kërkoi nga bashkësia ndërkombëtare që t’i bëjë me dije Beogradit se nuk është ai që vendos për të ardhmen e Kosovës dhe Mitrovicës.
“Veriu nuk mund të mbesë peng i dilemave apo negociatave të Beogradit për një rrugë më të favorshme apo më të shpejtë për në Evropë. Nëse Beogradi e ka seriozisht orientimin evropian, atëherë veten duhet ta dëshmojë tash, duke qenë partner evropian në Kosovë”, theksoi Rexhepi.
Sidoqoftë, në konferencën e sotme, u tha se në veri të Kosovës ka një kaos. Zëvendësshefi i UNMIK-ut, David Harland, tha se atje nuk ka zbatim të ligjit dhe se aktualisht mund të bësh edhe shkelje ligjore, por nuk ka ligj mbi të cilin shqiptohen sanksionet.
Ndërsa UNMIK-u është në proces të rikonfigurimit, Harland nuk ka konfirmuar asgjë nëse pas UNMIK-ut, në fund të vitit, në veri të Kosovës do të ketë një shtrirje të EULEX-it, si mision që merr përgjegjësitë në fushën e policisë dhe drejtësisë në Kosovë.
Zëvendësshefi i UNMIK-ut, David Harland, tha sot gjatë një konference të përbashkët me kryetarin e Komunës së Mitrovicës, Bajram Rexhepi, dhe përfaqësuesen serbe, Rada Trajkoviq, të mbajtur në Çagllavicë, se kthimi i rendit në gjykatat në veri të Kosovës, parashihet të zhvillohet në disa faza.
“Në dhjetor ne do të fillojmë me fazën e dytë, kur do të sjellim në Mitrovicë gjykatës e prokurorë kosovarë, si nga radhët e shqiptarëve, ashtu edhe të serbëve”, tha Harland.
Ai shpresonte se deri në fund të vitit, gjykatat në veri do të jenë plotësisht funksionale.
Ndërkohë, kryetari i Komunës së Mitrovicës, Bajram Rexhepi, tha se pavarësia e Kosovës nuk ka zgjidhur asnjërin nga skenarët e këqij për këtë qytet, që nisnin nga ndarja, trazirat dhe dhuna.
Rexhepi tha se përkundër shumë problemeve në këtë pjesë të Kosovës, udhëheqësia në Mitrovicë ishte treguar e përmbajtur dhe në vazhdimësi e ka ftuar edhe komunitetin serb që të integrohet dhe të përfillë zbatimin e rendit ligjor, për t’u shmangur nga skenarët e Beogradit.
Në vazhdim, Rexhepi tha se edhe administrata e UNMIK-ut ishte e paaftë që të përballet me zgjidhjen e problemeve. Rexhepi tha se gjendja, megjithatë, nuk është e pariparueshme dhe se integrimi i qytetit mund të ndodhë nëse ka politika efikase nga autoritetet vendore e ndërkombëtare.
“Në veri, hapat afatshkurtër do të duhej të përcillnin rastin pozitiv të hapjes së gjyqit. Por, nuk duhet harruar që çështja e gjyqit është pjesë e pakos së problemeve, ku përfshihet policia dhe çështja e doganave, të cilat duhet të adresohen tani nëse synohet një sukses më i plotë”, tha Rexhepi.
Ndërkohë, përfaqësuesja serbe në këtë konferencë, Rada Trajkoviq, tha se shumë çështje që kanë të bëjnë me komunitetin serb, përfshirë edhe gjykatat, kërkojnë edhe përfshirjen e Beogradit, në mënyrë që funksionimi i institucioneve të akceptohet edhe nga serbët.
“Mendoj se është e nevojshme një marrëveshje dhe janë të nevojshme konsultimet dhe bashkëpunimi ndërmjet Prishtinës e Beogradit”, tha Rada Trajkoviq, duke kërkuar që zgjidhja e problemeve të bëhet mbi baza reale.
Ajo tha se nuk pajtohet me veprimet e serbëve në veri, si djegia e doganave, kontrabanda e tjera, pavarësisht se nuk e përkrahte pavarësinë e Kosovës.
Ndërkaq, Bajram Rexhepi kërkoi nga bashkësia ndërkombëtare që t’i bëjë me dije Beogradit se nuk është ai që vendos për të ardhmen e Kosovës dhe Mitrovicës.
“Veriu nuk mund të mbesë peng i dilemave apo negociatave të Beogradit për një rrugë më të favorshme apo më të shpejtë për në Evropë. Nëse Beogradi e ka seriozisht orientimin evropian, atëherë veten duhet ta dëshmojë tash, duke qenë partner evropian në Kosovë”, theksoi Rexhepi.
Sidoqoftë, në konferencën e sotme, u tha se në veri të Kosovës ka një kaos. Zëvendësshefi i UNMIK-ut, David Harland, tha se atje nuk ka zbatim të ligjit dhe se aktualisht mund të bësh edhe shkelje ligjore, por nuk ka ligj mbi të cilin shqiptohen sanksionet.
Ndërsa UNMIK-u është në proces të rikonfigurimit, Harland nuk ka konfirmuar asgjë nëse pas UNMIK-ut, në fund të vitit, në veri të Kosovës do të ketë një shtrirje të EULEX-it, si mision që merr përgjegjësitë në fushën e policisë dhe drejtësisë në Kosovë.
