Grupi rebel i Somalisë al-Shaabab është zotuar të hakmerret për vërsuljen e forcave të Shteteve të Bashkuara, në të cilën u vra njeriu më i kërkuar i Al Kaidës në Afrikë.
Zëdhënësi tha se grupi, i cili ka lidhje me Al Kaidën, do të hakmerret kundër Amerikës për vërsuljen e sotme në Somalinë jugore, ku e humbi jetën Saleh Ali Saleh Nabhan.
Nabhan, i lindur në Kenia, kërkohej nga SHBA-të për një sulm në një hotel në vitin 2002, si dhe për sulmin e dështuar kundër një aeroplani izraelit në Mombasa.
Ai u vra gjatë një vërsulje të komandove amerikane.
