Ministrat e jashtëm të Britanisë dhe Rusisë pas takimit të sotëm në Moskë kanë kërkuar përmirësimin e marrëdhënieve mes dy vendeve. Bisedimet mes Uilliam Hejg dhe Sergei Lavrovit u zhvilluan pas takimit të shefit të diplomacisë britanike me presidentin Dimitri Medvedev.
Raportet Rusi-Britani ranë nën nivelin e Luftës së Ftohtë pas vrasjes së një ish agjenti rus në Londër dhe refuzimit të Moskës për të dërguar para drejtësisë britanike të akuzuarin kryesor.
