Një shpërthim, që ka ndodhur, sot, në një dyqan në periferi të Bakut, kryeqytetit të Azerbejxhanit, ka vrarë një person dhe lënduar 4 të tjerë.
Mediat njoftojnë se, të paktën një person ka mbetur brenda dyqanit, ku zjarrfikësit, po përpiqen që të ndalin zjarrin e shkaktuar nga shpërthimi.
Ende nuk dihet se kush e ka shkaktuar shpërthimin.
Dyqani ‘Amy Market" është në katin e parë të një ndërtese të lartë, dhe ky shpërthim, nuk ka dëmtuar bizneset tjera përreth.
Ndihma e shpejtë mjekësore në Baku, ka thënë për Radion Evropa e Lirë, se ‘shumë persona janë lënduar, dhe po iu ofrohet ndihma e parë’.
Në ndërkohë, Ministria e Rasteve Emergjente, ka njoftuar për vetëm katër persona të lënduar.
Detajet tjera, pritet të tregohen më vonë.
